OPEN LETTER TO PU LALDUHAWMA, PRESIDENT, Z.N.P. Chibai Pu Duh, Congress sorkarin MLTP Act thlakna tur Mizoram Liquor Prohibition and Control Bill 2014 Assembly lo awm leh tura pharh an tum thu ka lo chhiar a. MLTP Act hi thalo hle mah se, a thlakna tur hi eng chiah nge a nih pawh mipui min hrilh bawk si lova. Chutih laiin, kan sorkar hotu lu berin kan dan neih laiiin a khap bur beer a inlai ni ngeia lang thlalak evidence pawh dan anga chinfel a nih theih nana hma lakna a kal mek a. Nikum lama kan Chief Minister in kan rinna nena inmillo Hindu serh leh sang chungchanga mipui leh kan rinna zahna nei lova a tih danah nangmah ngeiin Zotalk interview ah khan Pu Hawla hian mipui hnena ngaihdam a dil tha I tih thu I sawi a. Kha thil kha a pawimawh rualin moral leh spiritual issue a nih avangin dan lam atang chuan tih theih a awmin a lang lo. Aman pawi a ti bawk si lova. Pastor te pawh phaia an kal chuan an chal an hnawihsen ve deuh vek ang ten a sawi a nih kha. Fosters beer erawh hi chu legal issue a ni tel tlat mai a. Chuvang chuan a serious hle a ni. June 4-a Aizawl Police Station-a kha thlalak leh lehkha ka thehluh khan facebook-a ka hmuhna link kha a hnuah police pek a ni a. Thlalak post tu hi in party hruaitu S.L.Chhunga a ni tih I lo hriat tawh ka ring. A post chhan pawh dikna leh rorelna tha a duh vang niin ka hmu. Aizawl SP hian he case hi a buaipuia, MLTP Act leh CrPC in ang ni lo leh Supreme Court in CrPC Sec 154 chungchanga ruling hrang hrang a lo neih tawh te ang pawh zawm lova Chief Minister laka FIR a register loh hian dan kan palzut hlein ka lo hmu a. Hemi chungchang hi sorkar leh kan ram inrelbawlna khawih thil a nih vangin nangni Zoram rawngbawl tura political party in din in nihna angin in buaipui awm tak a ni tih ka han sawi duh a. Chu chu Zoram mipui te pawhin an beiseina che u a niin ka hria. Aizawlah ka awm loh avangin duh anga chakin hma ka la thei lova, mahse Zoram Chhantute hnuaia pawl peng pakhat Justice For Mizoram te chuan pawimawh an tih avangin he thil hi an lo bawhzui a ni tih pawh ka hrilh duh bawk che a ni. I rintlak, Laltanpuia Pachuau
Posted on: Thu, 03 Jul 2014 06:57:57 +0000
Trending Topics
Recently Viewed Topics
© 2015