P.M. MODI LE P.M. MEDVEDEV AN INPAWL Prime Minister Narendra Modi le Russia Prime Minister Dmitry Medvedev hai chu zani khan Myanmar khawpui, Nay Pyi Taw-ah an inpawl. PM hi India-ASEAN le East Asia summit hmang dingin Myanmar-ah an zin a, summit kar lakah ramdang thuoituhai an hmupui nghal ani, Russia PM hi a pawl hmasa tak a ni. Myanmar International Conference Centre-a meeting an neinaah, Medvedev chun India chu Russia thawpui tha le hlu tak a ni thu a hril. Modi khawmin ram panihai chun inlaichinna le thawtlangna tha lem an nei thei pei a beisei thu a hril. Medvedev hi thla thar hin New Delhi-a 15th annual India-Russia summit nei dingah a hung inzin ding a ni. Modi hin July thla khan BRICS summit nei ruolin Russia President Vladimir Putin a lo biek ta bawk a, Putin le an inpawlnaah hin nuclear, defence le energy sector-a ram pahnihai thawtlangna suk lien dan ding hai an hriltlang a ni. Modi hin Putin chu Kudankulam atomic power project hmu dingin a lo fiel ta bawk. Zani khan US President leh khawm Modi hi inhmuin Obama chun Modi chu action man a ti a, Aung Suu Kyi chun Modi kuomah India chu a second home ani thu hrilin a ngainat thu a lo hril bawk.
Posted on: Fri, 14 Nov 2014 12:23:01 +0000