PAG-SELEBRAR SA FAMILY DAY CELEBRATION NAGMABUNGAHON Nahimong mabolokon ug mabungahon ang pagselebrar sa “Family Day” sa mga Children in Conflict with the Law (CICL) sulod sa Dipolog City Drop-In Center for Children ingon man kadtong ubang mga kabataang dinakpan dala ang kanilang ginikanan nga nag-agi karon ug “intervention” sa City Social Welfare and Development Office (CSWDO), tungod kay mismong si Mayor Evelyn T. Uy ug Konsehal Ruben Legorio gayud ang nahimong hingtungdang mamumulong sa maong okasyon. Mao kini ang nasayran sa buhatan sa Impormasyon atol sa gipahigayong “Family Day Celebration” kaniadtong Setyember 27, sulod sa Dipolog City Drop-in Center for Children, Minaog, Dipolog City. Ang maong Family Forum ang giabri ni Drop-in Center Head Ms. Mariam O. Villanueva ug si Ms. Suzette Z. Daguinotas usab ang nag-introduser sa mga partisipantes sa maong kalihukan. Mihatag usab ug inspirational message si City Mayor Evelyn T. Uy ug ang mihatag sa lecture mao usab si City Councilor Ruben C. Legorio. Pagkahuman sa lecture ni Konsehal Legorio, usa ka Open Forum ang gipangunahan ni Mr. John Harry R. Bernus aron matubag ang tanang pangutanan sa mga partisipantes. si Ms. Myrlen J. Mascardo usab ang nangulo sa Children’s Parlor Games ug gitak-op ni Mr. John Harry R. Bernus ang maong kalihukan. Nunot niining maong kalambuan, gipasalamatan ni Mrs. Villanueva ang mga mosunod nga sponsors ug donors sa Share-a-Meal: Zamboanga del Norte Governor Roberto Y. Uy, ZN Vice Gov. Senen O. Angeles, City Councilor Jasmin N. Pinsoy, City Councilor Peter Co, City Councilor Kenny Val U. Ong, Board Member Ronillo Lee, Board Member Romulo P. Soliva, Biasong Brgy. Cahirman Gomersindo Calagui, Ms. NEnita O. Maningo, Ms. Elvie Lacaya, Engr. & Ms. Marlon Perater, Ms. Pilar Nyman, Mr. James C. NApigquit, CL Fast Food, Chicken Ati-Atihan, Ms. Rosemarie Dela Rosa, Ms. Gemma Militante, Mr. Roger Luna, Ms. Theresa Tulang, Ms. Elsa Delos Reyes, Ho. Elmer B. Vallecer ug Ms. Catalina Barinaga tungod sa walay pu-as niini nga tabang sa mga CICL sulod sa Drop-in Center. Kahibaloan nga alayon kining maong aktibidades sa SWIGAPORE 2030 Vision ni Mayor Evelyn T. Uy diin buot niini nga mamahimong Child-Friendly City ang dakbayan ilawom sa iyang administrasyon. (CIO-ACA)
Posted on: Fri, 04 Oct 2013 08:54:23 +0000
Trending Topics
Recently Viewed Topics
© 2015