PAGPANGANDAM ALANG SA REGIONAL SUMMIT ON PEACE AND SECURITY DINHI SA ZAMBOANGA PENINSULA GIHIMO Malampusong napahigayon ang City Peace and Order Council Meeting karong adlawa, Setyembre 4 sulod sa Conference Room sa City Mayor’s Office aron sa pagtuki sa malungtarong “Peace and Security Preparation” sa dakbayan sa Dipolog. Nasayran sa buhatan sa Impormasyon nga gihimo ang preparasyon alang sa malungtarong seguridad sa kahapsay ug kalinaw sa siyudad aron maipa-ambit kini sa nakatakda nang ipahigayong “Regional Summit on Peace and Security in Zamboanga Peninsula” nga mahitabo pipila ka mga adlaw gikan karon. Nunot niining maong kalambuan, daku ang pagpasalamat ni Mayor Evelyn T. Uy sa tanang suporta nga gihatag sa mga “stakeholders” aron gayud nga magpabilin ang kahapsay ug kalinaw dinhi bisan paman sa paspas nga kalambuan nga nahitabo karon sa siyudad. Kahibaloan nga alayon kining maong kalihukan sa “Good Governance” nga programa ni Pres. Benigno Aquino III ug sa SWIGAPORE 2030 Vision sa City Government of Dipolog ilawom sa administrasyon ni Mayor Evelyn T. Uy. (CIO-ACA)
Posted on: Thu, 19 Sep 2013 10:00:17 +0000
Trending Topics
Recently Viewed Topics
© 2015