PATHIAN LUNGAWI RINGAWTIN VANRAM KAN LUT THEILO KAN TI MAW?? Tunlai ringtu inti tamtakte hi kan in chhut ngun angai ta hle mai maw! Bible aiin kan ngaihdan kan dah lian a. Kan ngaihdan a nih loh chuan Bible pawh hi dik lo vah kan chhuah a. Kan ngaihdan nen inmil tir tumin kan hmersawi kuala, Bible in chiang taka min hrilh pawn kan pawm duh lo va, kan ngaihdan hi Bible nen a in mil em?tih pawh fiah kan tum eih lo. Bible hre miah lovin thu kan sawi ve par2a, dawt kan sawi a (dawt kan sawi tih erawh kan in hre SI lo). A hrilh hei thlak ngang a ni. Chhandamnaah hian Pathian a lungawi ringawt hi a tawklo ti kan la awm NUAL zui!! Vanram kan luh theih loh chhan ber hi Pathian a lungawi loh vang a ni lawm ni? Pathian hi lungawi nise Eden huan atang khan min hnawtchhuak dawn em ni?? Isua hi a rawn thih kher a ngai dawn em ni?? Ngai teuh suh e!! Kan chunga thinur tu hi vanram neitu Pathian nilo se chhandamna hi a awm a ngai dawn em ni? Tinge Isua hi Kross ah a rawn thih kher? Mi hringten sual man leiba thihna kan neih avanga rawn thi a ni lo vem ni? PATHIAN LUNGAWI A PAWIMAWH EM AVANGA ISUA NGEI PAWH RAWN THI A NI. Pathianin sual man chu thihna a ti a (Rom.6:23). Thi lovin leiba kan pe fel thei dawn em ni? Tu nge mahni leiba thih na pe thei awm le? Tumah kan awm lo. Nitin sualte kalsan na in kan pe thei dawn em ni? Sual kalsan zel nun hi kan leiba thihna rulhna a ni lo!! Ni sela Isua Kross ah a thih a ngai lo vang! Keimah niin kan pe tla ve mai ang! Isua a rawn kal vak a ngai kher lo. Mahse a rawn kal a ngaita a nih kha! Engvangin?? Nang leh kei anchhe dawng chu thinga khaikan tur tih a nih kha ( Gal.3:13). Nitin sualna kalsan hi thinga khaikana kan awmna em ni? Ni teuh suh e! Anchhe dawng, misualte leiba pektlakna tur hmun chu Kross khi a ni. Thil dang a awm lo reng reng2. Krossah Krista chu a rawn thi ta! Sual man chu thihna tia Pathianin min dil chu pektlakin a awm tawh a ni. Pathianin Krossah khan tunge a hmuh? Isua em ni? Ni suh e, misual ka that dawn a tih te hi kan ni. Pathianin nang misual kha Kross ah a that tawh che a ni. Kross khi i leiba neih thihna i pektlakna a ni. Kei ni chuan Kross ah Isua kan hmu a, mahse Pathian chuan nang leh kei misualte hi min hmu a ni. 2Kor.5:14 ah chuan, " Mi zawng2 thih aiin mi pakhat a thi a, chutichuan mi zawng2 chu an thi a ni", a ti. Sual man leiba chu eng nge? THIHNA. KROSS AH TU NGE THI? NANG LEH KEI KAN THI A NI. Engtin? Pathianin Krista thihna chu keini misualte a thahnaah min pawmsak tawh vang a ni. Chu vangin nang leh kei hian meidil tlakna tur chhan leh vang kan nei tawh lo hrim2. Kan leiba chu Krista kal tlangin kan pe tawh a, chu chu mihring lamin han pe lo mah ila, Krista pekna kha Pathian berin kan peknaah min pawm sak avangin kei nin pek nawn a ngai tawh lo va, pe a min pawmna chu lo pawm mai tur a ni. PATHIANIN IN PE TAWH MIN TIH CHUAN AWIH LOH KUAL TUR A AWM EM NI?? Ka la pe awm lo emai, kan thawk ve a nge, chuti lo chuan ka pe fel lo palh ang tia i au i au chuan Pathian thu awih lo, mi chapo tak ini tihna a ni. PATHIAN BERIN I PE FEL TAWH MIN TI CHUNG PAWHA LA AWIH THEI LO CHU MEIDILAH TLA TAWP TAWH MAI RAWH! Pathian huatber ini. Kan sualte ngaihdam nan thisen a ngai a ti ( Heb.9:22). Kristan Ama thisen ngei van hmunah Pa biakbukah a han pe a nih kha! Chu chu reilote tan a pe a ni lo. Chatuan atan a pe zawk a ni! Awmzia chu chatuan atan Pathian kan chungah a lungawi tawh tih na a ni. Pathian ber a lungawi tawh si chuan vanram kan luh theih loh chhan tur ala awm em ni?? Awm lo!! Vanram i luh theih loh chhantur pakhat chu Pathian lungawi mai a tawk lo tia, i rin duh lohna avang ngei khan meidil chu i tla ang! VANRAM NEITU PATHIAN BERIN KRISTA THISEN AVANGA CHATUANA MIN NGAHDAM CHUNG PAWHA, KA AWIH THEILO, ALA TAWK ZO LOVANG LO LA TIH TALH CHU, PATHIAN HI RINTLAK LOHVAH KAN CHHUAH TIHNA A NI. Kan chungah Pathian a lawm lo hle ang le! PATHIAN HI KAN CHUNGAH LUNGAWI LOH CHHAN TUR A NEI LO KRISTA KAN RIN PHAWT CHUAN. A chhan chu, Krista hi kan ta a ni lo va, kan ai awh turin ama min pek a ni a, Ama min pek chunga Amah vek a lungawi leh si loh chuan Pathian chu biak tlak loh a ni ang nga, Amah leh Amah a inti mual pho a ni ang! Pathian ber a lungawi tawh si chuan keini lo awih loh vak tur em ni? Pawm mai tur kan ni lo vem ni? Nge Pathian lungawi ringawt avangin vanram kan luh phah dawn chuang lo tia ringduh lo va, mahni tan chhandamna kawngdang kan zawng zawk dawn? Pathian lungawi tawhna i pawm theilo a nih chuan chhandamna chu thawkchhuak mai rawh! Vanram neitu lungawina i pawm duh loh chhung zawng chu vanram ilut thei lo vang. Kawng dang a awm lo. PATHIAN I CHUNGA A LUNGAWI TAWHNA HI PAWM VE MAI RAWH.
Posted on: Fri, 06 Sep 2013 17:52:19 +0000
Trending Topics
Recently Viewed Topics
© 2015