PENSIOEN A.O.V. NA CAMINDA PA 65 ANA !!! KIKO ESAKI KIERMEN ?? Pa e ultimo 15 ana poco ta esnan cu a pidi atencion di pueblo pa e problematica di pensioen. Gracias a dios, PPA a pidi atencion pa esaki basta ana pasa. Lastimente hopi NO tabata preucupa. Awe ainda hopi NO ta preucupa. Pero e momento a jega !! E momento cu e edad di pensioen lo worde hiza pa 65 ana y cu lo bp;be hinca man den boso saco pa aumenta e premie di pensioen. Ora otro ta na mando AVP ta jama esaki MEDIDA....ora AVP ta na mando ...esaki ta worde jama AJUSTACION !!! Kiko esaki kiermen pa e pueblo trahador ? 1. Cu E lo mester traha CINCO ana mas den un economia cu despues di 45 ana casi E no ta hana trabao !! 2. Na momento cu esaki aumenta pa 65 ana E ta nifica cu E lo ta dificil pa nos hubentud pa nan hana trabao...pasobra nos grandinan lo ta keto bai activo ....!! 3. Aumentando e premie ta nifica cu e takehome-pay di e clase trahador ta boble bira menos...!! 4. Strano ta cu nos NO a tende KIKO esaki ta nifica pa e asina jama Ley di pensioen politico (?)...pueblo NO ta corda cu ora a hisa e pensioen di Ministro (45) y Statenlid (50) pa 60 ana .........AVP a splica pueblo cu TUR pensioen mester keda pareeuw. Igualdad tog !! Esey kiermen cu logica ta trece cunele cu NO por papia den dialogo social solamente di aumento di e edad di A.O.V. di pueblo pero hunto cu esaki mester papia di aumento di e edad di pensioen politico di 60 pa 65.....mi ta hanele strano cu tin un silencio riba esaki. Por ultimo mi a tende un remarca cu Ningun caminda e edad di pensioen den Caribe lo ta 60 ana......Mi ta hana esaki un forma barata di bende locual por worde considera un atraso den bida social na Aruba. Aruba No ta otro isla of pais den Caribe. Aruba a conoce su propio desaroyo y mester considera pensioen na Edad di 60 ana un beneficio basa riba e situacion na Aruba mes. Mi NO ta exclui cu lo mester di ajustacion ....pero mester tin un discussion NACIONAL .....na unda ta pone tur cos den su contexto......pasobra durante eleccion esnan den gobernacion a core pa debate riba e topico aki....ajuda pa cierto medio di comunicacion....AWE kier pusha pueblo cu un aumento SIN discussion profundo. Mi ta bolbe ripiti kizas mester di ajustacionero kende tin falta....kende tabata dejado....kende a mantene un silencio hermetico pa tende e pueblo trahador ....No consciente....pa awe na final di 2013 ...pusha UN AJUSTACION/MEDIDA CRUEL den su stoma ....mientras cu pueblo no sa kende ta responsabel. Huzga pa boso mes !! Sans Rancunes. BENNY NISBET. 5.
Posted on: Thu, 21 Nov 2013 16:32:41 +0000
Trending Topics
Recently Viewed Topics
© 2015