PERSONALISED NUMBER PLATE He motor number hi MUMBAI tih tawp a ni a. A neitupa chu vaipa a ni ngei ang. Kan awmna state New South Wales ah leh Australia ram pumah hian motor number plate te hi a standard number plate bakah personalised number plate siam tir theihin sorkarin ruahmanna a siam a. A number plate pangngai aiin heng personalised number plate te hi a man a tam. Tihluihna a awm loh avangin a duh ten anmahni sum sengin an duh ang number an hmang thei a. Sorkar tan sum hnar tha tak a ni. A leituin ama duh thu ngeiin a lei bawk si a. Ukil Julius LS Rema sawi dan chuan India ramah hian transport lam hi State thuneihna hnuaia tla a ni a. Chuvang chuan transport kaihhnawih chu state sorkarin a duh angin dan a siam thei. Entirnan, Road tax, Mizoram ah pawh Motor Vehicle Act 1996 & Rules kan nei. State in a tih duh chuan The Motor Vehicle Act 1988 ah hian bar a awm lo tiin Mizoram sorkar hian personalised number plate hi a duh chuan a ti thei niin a sawi a. Pu John Rotluangliana hi hman deuh khan Melbourne pawh a rawn zin a. A lo chik nge ka hrelova, a hawi vel pawh khan personalised number plate hmang thahnem tak a hmuh ngei ka ring. State sorkar policy thu mai a nih chuan sorkar hian hetiang te hi introduce chhin ta se, tihluihna engmah a awm lo bawk a. Sorkar tan sum hnar tha tak a ni thei ang. MZ-01... han khalh ai chuan RENGA K han khalh chu a dan a dang daih mai thei a ni
Posted on: Sat, 17 Jan 2015 14:01:09 +0000
Trending Topics
Recently Viewed Topics
© 2015