PM Xanana koalia kona ba TL latane liman ona- maibe ita tengki kuidadu iha loron ikus ita bele tane liman, ohin loron iha latane liman tan ita se iha osan iha Fundo Minarai hamutuk 13 billoens dolares amerikano- maske nune ita kumesa halo ona tusan hahu ho 43 miloens- se ita lakuidadu loron ikus ita nia rai se tane liman ba rai seluk--- Força PM Xanana. “PM Xanana: TL La Tane Liman Ona” Jornal Nacional Diario - Kuarta-feira, 14 Agusto 2013 Primeiru Ministru Kay Rala Xanana Gusmao informa katak, Timor-Leste (TL) agora dadauk ne’e la tane liman ona ba nasaun sleuk, tanba ne’e bele hakilar avontade atu ema labele hanehan beibeik rai ida ne’e. “Ita komu sorte, ita la dun tane liman ona, it abele hakilar avontade, balun bolu hau arogante, hau dehan lae, imi mak arogante hanehan beibeik ami, agora ne’e tan nee para ami atu hakilar,” Sublinha PM Xanana ba Jornalista sira, Kinta (8/8) iha Aeroportu Internasional Nicolau Lobato, Comoro, Dili. Tanba ne’e, eis lider rejistensia ne’e dehan, hanesan ema tenke selu hodi ajuda ema seluk atu salva sira nia-an, tanba Timor-Leste (TL) agora dadauk nee la tane liman ona. “Hau hakilar beibeik iha fatin barak, hanesan iha Jakarta no Singapura katak, ohin loron claimed Change ne’e, buat hotu tenki rai, hahu husi America no Europa, Japaun no China, tanba buat sira ne’e provoka emisaun maka’as,” dehan Xanana. Tanba Timor nia diak mak ne’e, TL hari’i ninia estadu iha fundasaun ne’ebe diak, atu dehan karik, TL hanesan ADN, esklarese Xanana. Xanana haktuir, ADN to’o hare’e no Koko la diak sobu fali, ida ne’e mak karakter TL ninian no karakter RDTL. “Hau hatene ita Timor ne’e kiak sei barak, maibe hau bele dehan katak, organizasaun sira internasional hare ita,” katak Xanana. Xefe do Governu ne’e esplika, iha fatin sleuk komu sira nia kbi’it la to’o, sira at, at ba beibeik, TL ho kbi’it ida ne’e mak bele la’o, bele hakilar no bele koalia. Xanana hatutan, TL nia obrigasaun mak ida ne’e duni, atu muda oituan mundu nia hanoin, tanba ohin loron sistema iha ekonomia mundial ne’e mos sala tebe-tebes. “Ita haree ba sistema ekonomia mundial iha mundo ohin loron ne’e, ita la kumpriende, ida ne’e atu hali ba ne’ebe,” tenik Xanana. Xanana mos akresenta katak, tenki muda hotu sistema sira ne’e hotu, hanesan iha tempu revolusaun ida, atu nune’e ekonomia mundial mundu bele lao diak.
Posted on: Wed, 14 Aug 2013 23:38:25 +0000
Trending Topics
Recently Viewed Topics
© 2015