PRESS HAND OUT Dt 2/8/14 (12:00 Noon) Rosiamngheta Councillor. Vawinah hian “Zahawmna emaw, Ropuina emaw ka zawng ngai lo va, Tangka leh rangkachak ka zawng hek lo, ka din chhan a dik chuan a tawk mai” Tawngkama insawi thiam mai a tawk lo, India danpui mai bakah Moral law leh Natural law thlengin a dik em tih ngaihtuah zawk a, Zoram mipuite hian politics luhchilh te hi min zir chiang rawh se, tiin ka ngen a ni. Daw thin Politiciante hi thangtharte hian i hnawl ngam tawh ang u. Entawn pawh entawn hauh loh tur an ni e. Tunah pawh kan AMC ding thar leh hi namthluk kher a tul tawh lo, an duh a an ti tawh a, tluang takin kal se, Aizawl khawpuiah hian vote zawng mai lovin Khawpui hmasawnna turin chak takin hna thawk ngei se tiin duhsakna ka hlan a, Constitution laka rinawm tura an thutiam ang ngeiin Danin a phut te ti hlawhtling turin kal zel turin duhsakna ka hlan a, Dan bawhchhiatna a lo awm palh a, AMC thiah theihna hial tura “Seriously Irregularity” a awm ai chuan bang ngam bawk se. “ Kan Zoram, kan hnam, kan sakhua leh Zawlkhawpui hmasawnna tur hian BETTER... SAFER.. STRONGER (BSS) GOVERNMENT” hi awm zel turin kan ram tan tiin duhsakna ka hlan e. God Bless Mizoram, Aizawl Municipal Council a roreltu inthlakkual na chungchang ah sawi a tam a, in puhmawhna pawh a tam in zawhna pawh in ngah viau thei a, theih tawka sawifiah te pawh ka rawn tum dawn a, keimah pawh Uire hiala puhna te a tam tih ka lo hria a ni. Ka sawmna tlawm tak ngai pawimawh a Press mite vawina rawn kalte in chungah lawm thu ka sawi a ni. 1. Ka dinhmun thu ah chuan MPC ti lovin PC party mi leh sa hi ka ni satliah lova, PC Party dintirhte atanga Party Policy avanga PC a nung chhoh leh damkhawchhuah na tur atana bosan ve hauh lova thawk leh inhlan chhungkua ami ka ni zawk a, Kan thawhrim rah kan tel leh telloh chu tuna MPC chhunga mi te hian an chham thui thei ber ang chu . Uire leh re loh chungchang te pawh a lo ri chhuaka heti hian sawi ila a tha ang, Uire chu a rukin an uire a, a man thei leh man ngamin an man thin, an man chhuah loh chuan mi pangngai angin a chhungah an la leng thin, Uire erawh chu an awm, mahse ban tamah ka ngam si lova, ka indan san ta a, tichuan Old Age Home ka chhuahsan ta mai. 2. Uire chi 2 an awm (a) Mahni party policy chu an mi leh sa te hriat lohva Hidden agenda nei chunga pangngai tak anga la kal a, mahni mileh sa ten an hriat hauh lova mawi taka la au pap pap te hi an ni. (b) Phatsan vawikhatna ti in ka sawi tel anga tute nge uire a chiang tel turah ngai ila, . Nikum MLA inthlan zawh hnu 16yh Dec 2013 khan sawiho thlap hnu ah DC hnenah AMC sorkar lai rintawklohna ka thehlut kha a ni a. Nimahsela kha motion thehluh kha ka hriat lohvin withdraw lehna ni 19th Dec 2013 khan DC hnenah MPC party a ka thawhpui mi 2 te leh ka rorelpui dang te ngeite chuan kan lehkha theh luh hnuhkirna tur chu ka hriat ve hauh lohvin an hming sign in an lo theh lut hnuhnawh leh reng a lo ni a (Enclosed copy), Party hruaitu te pawhin an hriatpui em? ka hrelo, an lo hriatpui anih chuan an UIRE ho a ni mai, phatsanna a awm tih hriat rukna ka neih avangin Vote thlak hun thleng nghak lovin motion kha ka withdaw ta a ni. (c) Phatsan ka nih vawi hnihna ti in sawi leh ila. Mizoram MP tur kan thlan zawh hnu khan AMC namthluk tum vawihnihna alo ri leh ret ret a, a bul lo intan na chu Press conference nei hmasa zawk MNP councillor te hriat ang kha chu ka hre pha ve chiah lo, “Tun tumah chuan kan councillor te kan thunun zolo anih chuan kan ban anga, AMC atang pawhin an ban a ngai dawn ani mai alawm” tihte pawh inkar nan an lo hmang hial tawh niawm tak anih kha maw. MNF councillor pakhat pawh a fatu nasa hle a lo ni tawh awm e. Hetiang karah hian Keini pawh Pu PC Lalruatsanga inah kalkhawmin kan sawi hova Hetah hian sawrkar nam thlulo a thlawpdan kan sawi a, mahse a saseh a lo thlen chuan TV ah te kan hmuh kha thil awmdan alo ni leh ta hlauh a. Chuvangin vawiin niah chuan mahni pawlpuite phatsan ching nena thawhho ka theih lo avangin uire lovin.. ka indang ta a ni.Zoram mipui te hian tute nge lemchang nun hmathehtu tih chu lo ngaihtuah teh u. hetia thil awmdan ka sawi avang hian Damchhunga sawi tul ka tih chiah rih loh sawitur erawh chuan min tur em lovang chu maw. DAWT SAWI KA DUH LO. 3. Nangmah thlangtu te zah lo in i uire ani lo maw? Thlangtu zahlo tih te ka hlawh a, ka zah khawp mai, MNF mipuite leh MPC mipuite an zahawm neutral min Vote tu zawng zawng te nen thlengin, Mahse ka party pui ngeite phatsan ka nih avangin ka awmna party ber chu ka chhuahsan a lo tul ta si a, min thlangtute zahloh vang ni lovin, zahtak chungin ka indan san a ngai a, min lo hrethiam dawn nia, Party hriatpuia No confidence motion kha kalpui kan nih laiin phatsanna lo awm hi party hriatpui a nih loh chuan partyin an chungah action a lak a ngai a, party hriatpui a nih chuan MPC party hian min phatsan tihna a ni bawk ang, Chuvangin kei erawh puhmawh tur ka awm lo. Min thlangtu mipui ka zah avangin Pathian zarah kei chu AMC Sesion zawng zawng ka kal kim a, Committee peng hrang hranga ka mawhphurhna hlen loh ka nei lo, thlan anga thawk tha lo zawk te hian thlangtu chu an zah lo a ni. 4. AMC buaina hi a bul lo intanna hi Ka hriat ve china a bul intanna hlaber chu December 2013 MLA thlan zawh khan amah Pu Lalduhawma’n Treasury Sq ah, a motor a a chuan lai ngei a “AMC sawi danglam a ngai ani” a tih kha ka hriatna hmasa ber ani. Mahse Phatsantu ka sawi tak te avang khan a hlawhtling ta lo a, Dan anga thla 6 nghah a ngaih avanga Thlaruk a lo vei leh a, MP thlan zawh hnuah pawh chuan chu hmalakna chu a lo la tawp hauh lo tih chu tuna MNP councillor te sawi khan a ti fiah mai ah ka ngai. 5. Pu Zodintluanga UD&PA Minister office atanga phiar rukna tan anga sawi kha a dik em? A intanna sawi dawn chuan dik lo ve, Minister office ah khan kan awm ngei a, AMC sawinghin tumna a awm tih hriat a ni a, chuvangin ZNP unau ten Party atanga banna ziah an tum chu Dan a ni lo ve ka tih avangin Dan lam thiamte nen en ho a ni a, ZNP leh Congress thawhhona chung chang engmah sawi lan a awm lo, ZNP a tanga ban tumte nen hian thawhhona pawh ni 8.7.14 khan AMC Chairman Office ah thawhhona chungchang kan sawi a tahchuan thawh hona ziah a ni zawk bawk. Congress Party pawh in min lo hrethiam sela, thil awmdan chu hei hi a ni, Congress Party chuan AMC namthluk tuma hmalakna a awm tih an hriat atang khan an inrawlh a ni. khatiang hunah kha chuan tupa nge mahni In kan laia kut kuangkuaha thu reng thei ang, kei chuan tuna Congress Party ho chhe taka puh leh dawt ka tih tlata puh tu te hian a letling hian tan khawh se an sawifel thiam leh zawk daih bawkin ka ring. 6. ZNP party president inrawlh chin chu engnge ni ta? He lai thu ah cuan Pu Lalduhawma hian thiam takin a duh duh a puh kual mai mai a,Pi Hmigthanzami pawh AMC Licensing chungchangah vawikhatmah be lovin chanchinbuah erawh chuan a changtu Councillor pawh ka sawipui a a ti a, Pu Duha hian engang pawh in thudik hi a hmalama ka sawi tepawh telin sawi fai vek mah ila asawi pial leh thlap tho awm si a, a har ka ti khawp mai. Politcian Dazaat leh joker, Krista a Pathian inpuanna bak Pathian Manifesto pawh puang thei, Party President leh CM hlui meuh pawh zah lova nuihza siam nan a hmang thiam, Kut hnathawktu te nena kan thawhhona te pawh Vote duh luat avanga Pa leh Fapa leh Thlarau thianghlim pumkhat nihna anga han chhuah mai thei, mi zawlthluk Specialist hi a luruh a ring si a hahthlak ka ti khawp mai. A changin kawh nei deuh takin Buldozer te chi tlanglawnthei, leh thingpui sihna khawl amah a thingpui lawrkhawm thei hria leh Not Normal tih thawmte a la reilo tehlul nen ngaihtuah let chuan chutia a sawi te chu a lo zawlthlu leh ta nge hriat va ni tawh hek suh le. Mahse hei hi ka sawi duh Pa ropui Orator ti a koh hial tlak leh Zoram tan a UNO ah pawh dingtlak mai awma ngaih thei hi Ka hriat chian chinah chauh pawh hian MIHIM (Stable and secured person) ani lo ani tih ka sawi duh, Thu chu a thiam alawm, Thlalerah pawh sikri zuar se a la bat tir thei tho ang, Kan dinhmun hi inthlakthleng thut mah ila ka la hnial hneh chuang lovang, mahse kan hnial hneh ve loh avang erawh chuan a sawi chu a dik tihna ani vek hauh lovang 7. Chairman tura thlem emaw sawm emaw ini em? tih te Sumin Councillor te lei an awm em? tihte pawh Facebook thleng thleng in sawi a awm bawk, Chutianga min thlem emaw sawm emaw chu a awm lo, kan in leh dawn rau rau chuan lukhawng te pawh neive sela mawle titu erawh an awmin an sekaih a let leh daih ang hian a let leh ta daih lawi si a, Min lei ni a sawi an awm chuan rawn phawrh chiang fak teh se a.
Posted on: Thu, 14 Aug 2014 05:40:11 +0000
Trending Topics
Recently Viewed Topics
© 2015