PRIVATE SECTOR ORGANIZATION CONVENTION NAPAHIGAYON DINHI SA DAKBAYAN Malampusong gipahigayon ang Private Sector Organization (PSO) Convention 2013 alang sa Zamboanga del Norte ug Dipolog City nga pagpili ubos sa Regional Development Council IX sa milabayng Agosto 23, 2013 didto sa Top Plaza Hotel ning dakbayan sa Dipolog. Nasayran ning buhatan sa impormasyon nga ang pag-pili sa mga nominado alang sa PSO maoy ubos sa Regional Project Monitoring Committee IX kinsa mao ang monitoring arm sa RDC IX, diin kini usab ang mo-implimentar sa Regional Project Monitoring and Evaluation System (RPMS) ug magrepresentar sa lalawigan ug sa dakbayan. Kahibaloan nga alang sa lalawigan sa Zamboanga del Norte, aduna’y tulo ka mga nominado ang misalmot , diin si Father Enrique Montano ang napilian. Alang usab sa Citywide nga tulo ka mga nominado, si Atty. Paulino Gudmalin ang napili-an, ang Dipolog City Chamber of Commerce Chairman nga mao’y magarepresentar sa pribadong sector. Lakip nga nasayran gikan ni Norman Jose E. Ramirez, Area Team Leader sa buhatan sa RDC IX, nga pinasubay sa Executive Order No. 325 series of 1996, ang RDC ang i-reorganize sulod sa tulo ka tuig nga termino sa Local Chief Executives, diin mo-organisar ug mopahigayon ug pagpili ug Private Sector Organization representative sa matag dapit dinhi sa sulod sa tulo ka lalawigan sa rehiyon. Matud pa ni Ramirez nga ang RDC mao ang ‘Highest Policy Making Body’ sa usa ka rehiyon, diin kini ang gisangunan alang sa pagkab-ot sa mga proyekto sama pananglitan sa Social Economic Infrastructures nga mao usab ang maga-promoter sa mga palisiya ug mga adbokasiya alang sa regional council. Kahibaloan nga gumikan sa bag-ong mga plastar sa pamunoang lokal, ang posisyon sa RDC Chair ang nabakante pa karon, busa gikatakdang mopahigayon na usab ug pilia’y karong umaabot nga Agosto 28, 2013 alang sa bag-ong hut-ong sa RDC didto sa 1st Infantry Tabak Division, Pulacan, Labangan, Zamboanga del Sur, diin ang mga pangalan sa mga nominado ang i-endorso ngadto sa buhatan sa pangulo sa nasud Presidente Benigno C. Aquino III. Kahibaloan usab nga ang kompirmasyon sa bag-ong napili nga PSO ang ipahigayon usab sa nasangpit nga adlaw. Subay sa nasangpit nga kalamboan, si Ramirez ang nagkanayon nga ang kasamtangang Acting-RDC Chairperson karon mao ang NEDA Regional Director IX, Teresita Socorro Ramos (CIO-MECC)
Posted on: Mon, 02 Sep 2013 01:02:42 +0000
Trending Topics
Recently Viewed Topics
© 2015