PSQUARE SET TO DROP ANOTHER BOMBASTIC ALBUM Those of una wer know Peter n Paul Okoye, popularly known as Psquare go know say any song wer those boys carry their sugar mouth put inside na kill and go be that o, cos their songs dey sweet belle die. Those of una wer don begin listen to radio since 2003 go agree say these guys gbedu no be moi moi right from when them drop their first album Last Night, Get Squared, 2005, Game Over, 2007, Danger 2009, and The Invasion 2011, that one no follow for other ogbonge singles like Chop my money with Akon & May D, Beautiful Onyinye with Rick Ross, Personally, n Testimony o. Them don go wash head n face return with their 6th album n this time around, na DOUBLE TROUBLE them call am o n na this the particular album make them leave their madams them for house, go stay for another place for sake of say them no want make comma enter inside o.Tori wer reach me say from 12th September, 2014, e go full market berekete for buy... make una ready for new dance moves o
Posted on: Mon, 08 Sep 2014 17:23:08 +0000
Trending Topics
Recently Viewed Topics
© 2015