PU ZAWMA THUSAWI KHA Nimina Pu Vanlalzawman UN Day-a, Kan hnam pawh hi UNO hnuaiah kan la ding chhuak ve ngeiin ka ring, a tih leh, Zo hnahthlak hnam hrang hrangte pawh international boundary-in min dang eng ang mah se, inzawm khawm kan duh tlat chuan min dang reng thei lo ang, a tih kha Mizote hi kan ram luah chinah hian hnam khat angin independent ram kan la ni ang, a tihnaah lo ngai ta ila. Pu Zawman a tlawhchhan ber chu UNO a ni a. Indigenous hnam hrang hrang te chanvo humhalhna Declaration chu United Nations Declaration on the Rights of Indigenous Peoples kha a ni a. Article 46. No 1 ah chuan, Nothing in this Declaration may be interpreted as implying for any State, people, group or person any right to engage in any activity or to perform any act contrary to the Charter of the United Nations or construed as authorizing or encouraging any action which would dismember or impair totally or in part, the territorial integrity or political unity of sovereign and independent States. tiin a inziak a. A tawi zawngin sawi ta ila, ram independent pathum Bangladesh, Myanmar leh India a cheng Mizo te hian sap hovin min lo thenhranna changchawiin kan luah chin ram zawng zawng hi ram bung khat, independent rama siam turin he UN Declaration hi hrilhfiah tur a ni lo tih Art 46/1 naah hian a inziak a, UNO tlawhchhan chuan sovereign independent country nih dan kawng a inhawng lo niin a lang. India, Bangladesh leh Myanmar sorkar te hian phal takin min pe a nih loh chuan UN tlawhchhan chuan a theih loh hmel. Dingchhuak, tih te, inzawm khawm kan duh tlat chuan min dang reng thei lo ang tih te hian UN support a neih loh avangin ngaihtuah chian a tul. ZORO president Pu R.Thangmawian, Kan dikna leh chanvote humhim turin Zo hnahthlak zawng zawngte kan ṭanrual a ṭul tawh tak zet a ni, a tih erawh hi chu UN hnuaiah hian a hauh theih hle ang. ohchr.org/en/Issues/IPeoples/Pages/Declaration.aspx
Posted on: Sat, 25 Oct 2014 12:39:39 +0000
Trending Topics
Recently Viewed Topics
© 2015