Pa ami tabata hopi difisil ora mi a habri korant i worde konfronta ku e atvertensia di fajesimentu di Maia da Silva. Un persona ku mi por a komunika masha dushi mes ku ne den mi trabao komo dosente i ku tabata un skuchado i semper duna konseho positivo. Loke ta hasi e kos mas difisil pa mi ta ku Maia ta un di e personanan ku a bin bishita mi i enkurasha mi pa mi keda tene fe na momentu ku mi a worde konfronta ku malesa i ku dokter nan mester a manda mi den eksterior pa mi hanja un tratamentu. Awe e mesun Maia ey no tei mas paso su mishon aki na mundu ta kumpli i su Kreador a jame kas bek. Esaki pa mi atrobe ta e prueba ku nos no tin nada den nos mes man. Semper tin UNU ku ta E ta disidi riba bida i morto. Maia danki pa tur e momentunan ku mi por a aserka bo den mi momentunan difisil den trabao, danki pa tur bo konsehonan util i bo luisterend oor. Abo tabata un di tiki nan tiki ku mi tabata konfia pa konta algu. Maia sosega na pas i ku Dios duna pas na bo majornan, bo yunan, bo partner i tur demas famia. R.I.P. Maia.
Posted on: Thu, 29 Aug 2013 03:59:44 +0000
Trending Topics
Recently Viewed Topics
© 2015