Pa medio di e comunicado aki directiva di AVB kier a duna e pueblo di Aruba en general un splicacion di e introcduccion di e sistema di Season ticket. E idea di e Season ticket ta pa AVB , pero en especialemnte e clubnan tambe, jega na fondonan pa sigi traha pa desaroyo di e deporte futbol. AVB como federacion ta responsabel pa organisa e campeonatonan . E organisacion die campeonatonan ta trese hopi gastonan cu nan. Un wega di division di honor ta costa al rededor di Afl. 750,00 pa wega ( esaki ta inclui gasto pa huur di stadion, referee, security etc.). Weganan di play-off ta costa mas hopi ainda, pa motibo cu e ora mester paga mas na huur di stadion tambe. Di e placa cu ta drenta for di benta di ticket, despues di kita tur e gastonan, 50% ta bai pa e clubnan. Di e suma cu AVB ta ricibi for di FIFA un parti grandi ta bai na gastonan di e campeonatonan. Cu e introduccion di e Season ticket AVB kier a duna e clubnan tambe e oportunidad pa haya mas entrada. Cu compra di un Season ticket bo ta juda bo club cu un entrada. Fuera di juda bo club, como Season ticket holder, bo ta haya descuentonan na lugarnan manera Subway, GNC y Sport Caribe (Adidas). Alavez como Season ticket holder, bo ta wak 2 wega riba e dianan cu tin 2 wega, esun di bo club y e otro wega.. Esey kiermeen un promedio di 33 wega pa campeonato. Season Ticket ta algo cu na varios parti di mundo ta wordo haci caba y Aruba ta e prome pais cu ta haci’e den Caribe. AVB a percura pa set-up ful e sistema pa locual ta e e hardware y software necesario pa e sistema di Season ticket. AVB a informa tur e clubnan di Division Honor di e sistema di Season Ticket. Mas Season ticket e club bende, mas entrada e ta haya, pasobra no tin kitamento di gastonan manera huur di stadion, referee, security etc. Tin 3 categoria di Season Ticket Bronze, Silver y Gold. E Bronze ta costa Afl. 180,00, pero muchanan bao di 12 aña y 60+ ta paga Afl. 149,00. E Silver ta costa Afl. 255,00, pero muchanan bao di 12 aña y 60+ ta paga Afl. 199,00. Por ultimo Gold ta costa Afl. 400,00. E Gold Season ticket holder alavez ta ricibi su Coca-Cola, Sprite of Fuze Tea y bo Hamburger of Pan cu Hotdog ora di wega. Pa haci e compra mas atractivo ainda, como Season ticket holder bo por gana un pasashi pa 2 persona y entrada na un wega Copa Mundial 2014 na Brazil. Tambe lo tin 100 ticket disponibel pa e Season ticket holdernan pa saca un portret official cu e FIFA WorldCup Trophy cu lo ta na Aruba dia 2 november 2013.
Posted on: Mon, 07 Oct 2013 19:04:25 +0000
Trending Topics
Recently Viewed Topics
© 2015