***~***~** Paisnan ‘chiki’ i tog independiente **~***~*** Tin hende ta usa e argumentu ku Kòrsou ta muchu chikitu pa bira independiente. Echo ta ku tin diferente pais ku tambe tin relativamente poko habitante, pero ya pa años ta liber pa tuma desishonnan ku nan ta kere ta kumbiní nan. Aki bou tin algun ehèmpel di paisnan ‘chiki’ i tog independiente. Andorra tin 85.000 habitante so i nan ta independiente for di aña 1278 i nan ta próspero. Antigua i Barbuda tin 82.000 habitante so i nan ta liber for di 1981. Bahamas tin 353.000 i nan tambe ta un estado liber for di 1973. Barbados tin 284.000 habitante i nan ta independiente for di 1966. Belize tin 333.000 habitante i ta liber for di 1981. Dominica tin 71.000 habitante i nan ta independiente for di 1978. Grenada tin 110.000 habitante i ta independiente for di 1974. Kiribati (Oseano pasifiko) tin 110.000 habitante i ta liber for di 1979. Lichenstein tin solamente 35.000 habitante i ta liber for di 1866. Maldivia (republika) 328.000 hab. independiente for di 1965. Marshall Island (republika) tin 8.000 habitante i liber for di 1986. Micronesia (Estado federal di diferente islanan) 110.000 habitante independiente for di 1986. Monaco 36.000 habitante so (nan tin mas miyonario pa capita i e entrada pa kabes mas haltu na mundu ($ 172 676) i no tin desempleo (0%), pero tampoko un aeropuerto) independiente for di 1861 (pero miembro votado di Nashonnan Uni te na 1993 numa. Na Monaco e preis di tereno ta esun di mas haltu na mundu ($65.600 pa m2). Monaco ta e di dos pais liber mas chikí na mundu kua teritorio despues di Vatikano ku tambe ta ser rekonosé komo soberano. Nauru nan tin solamente (no spanta) 9.378 habitante i tòg nan ta independiente for di 1968. Nevis & St. Kitts (dos isla ku ta forma un pais) tin solamente 51.000 habitante i ta independiente for di 1983. (Nevis ku ta e isla mas chikí kier a kita for di St. Kitts for di tempu ku nan ta tin 9.000 habitante; entretantu nan tin 12.000 habitante) Nieu nan tin (spanta numa) 1.400 habitante so so i Nashonnan Uni ta konsiderá nan soberano pa nan mes atendé tur nan kosnan. (Ounke ku nan mes a skohe pa asosiá ku New Zeeland i hasi algun kos huntu) Palau tin 21.000 habitante so i nan ta independiente for di 1994. Saint Lucia tin 174.000 habitante i nan ta liber i independiente for di 1979. Saint Vincent and the Grenadines tin 120.000 habitante i nan ta liber for di 1979. Samoa tin 194.000 habitante i nan ta liber for di 1962. San Marino tin solamente 31.000 habitante i nan ta hopi stabil i soberano for di aña 301 despues di Kristu. Sao Tome and Principe tin 163.000 habitante i nan ta liber for di 1975. Seychelles tin 86.000 habitante so i nan ta independiente for di 1976. Tonga (Kingdom of Tonga) tin 103.000 habitante i nan ta independiente for di 1970. Tuvalu ta un estado ku 10.544 habitante so i tambe ta soberano for di 1962. Vanuatu tin 224.000 habitante i ta independiente for di 1980. *** Anto tur e paisnan aki riba ta sobrebibí pa hopi añanan kaba sin e pasport Hulandes. *** Independent States in the World state.gov/s/inr/rls/4250.htm *** ‘Every man has the right to decide his own destiny’ - Bob Marley
Posted on: Mon, 10 Jun 2013 03:57:51 +0000
Trending Topics
Recently Viewed Topics
© 2015