Peter Biaksangzuala pualin Lammual pan rawh. - Inkhel Peter Biaksangzuala,Bethlehem VT FC player boral ta hriatrengna puala inkhelh chu December 19,2014 zan hian khelh a ni dawn.He hunah hian MPL Champion team Aizawl FC leh Bethlehem Vengthlang FC te an inkhel dawn a, Petera team Bethlehem Vengthlang hi MPL club danga players thenkhatten an pawlh ang.Inkhel hmuhnawm tak leh hlu tak a ni ngei ang. En man Rs 50/- a ni ang. Zaithiam TBC an zaiin kalkhawm mipuite a awi bawk ang. October thla ani a.Dan pang ngaiin MPL inkhelh a kal. Bethlehem VT FC leh Chanmari West FC te inkhelin inkhel hmuhnawm tak kan hmu.Mahse he ni hi Zoram football khawvel tana hun hrehawm a ni dawn tih Lammual leh a chhehvela awmte chuan an hre lo. BVT player Peter Biaksangzuala chuan a goal thun a lawmna chu football khelmuala a hun tawpna tur a lo ni ta reng mai. Na taka inhliamin Civil Hospital lamah tlan pui nghal a ni. A hliam chu anat em avangin October 19,2014 a inher chhuah chuan Zoram football khawvelin hun lungchhiatthlak tak a tawng ta. Peter Biaksangzuala a awm ta lo.A thiantha,a chhungte leh amah lainaitu,MFA hruaituten sawi tur an hre lo.Civil Hospital leh Zoram hmun tin rengah chuan mittui a sur a ni ber. October 20,2014 ah chuan Piallei thuah riat hnuaiah Mizo footballer duhawm tak Peter chu zalh a ni ta.Zoramin a sun a,Khawvel hmun tin reng atangin an tawrhpui a, football khawvel a ngui. MFA in a sawm che. Football I ngaina lo a ni thei. He Mizo tlangval thihdan erawh hi chuan I thinglung a vel ngei ang.MFA chuan December 19,2014 zan dar 7:45 hian lammualah inkhel hmuhnawm Petera hriat rengna puala a buatsaih tur hi enturin mitin min sawm a ni. Petera I thlah tawh dawn. A lei taksa chu I thlah tawh. Rauthla vangkhuaa alen na atanga a lo thlir thin, a tualchaina football khelmuala ama puala hun hnuhnung hman turah hian atan enge I tihsak ve dawn le?He Mizo tlangval vanduai tak pual hian Lammual pan la, Rs 50/- chauh sengin a tawrhna tawmpui ang che. Min lo hmuak an Lal Lukhum mawi nen Hnehtu huai hrang lawmtu Lal leh Angel Varnen Kawtthler mawiah. BVT FC Squad: GOALKEEPER Liansangpuia - BVT Lalawmpuia - CFC DEFENDER Lalrammawia - BVT Lalmuanawma - BVT Zothanpuia - CFC Lallawmzuala - MRP Lalruatthara - CFC R. Laldinliana - BVT C. Lalrosanga - CFC MIDFIELDER Laldingngheta - CFC Chhanrinpianga - BVT Lallawmsanga - CWFC Ricky Lallawmawma - CFC Lalruatdika - CFC H. Lalmuankima - CFC Lalruatfela - CFC FORWARD T. Lalnunpuia - BVT Malsawmfela - CFC F. Lalrinpuia - MRP Joseph Lalnunpuia - CFC
Posted on: Wed, 17 Dec 2014 05:03:00 +0000
Trending Topics
Recently Viewed Topics
© 2015