Phi la iohi ne em ba ka sorkar jong ngi mynta ka iaid ka lynti kaba i triem shisha ia mynta ki trai jylla ki jong ngi. Ka la sdang la bun por mynta bad ka la sdang naduh ka por ba kam ai ka ain lokayukta kaba khlaiñ kaban ai bor ia ka jingwad kaba lap na ka RTI. Nangto ngi iohi ruh ia ka jingshim bad jingknieh jaka pathar lane ka acquisation ia ki jaka jong ngi ha ka kyrteng ka roi ka par lane wrongful and forceful act in the name of public purpose and development. Kane ka jingleh jong ka sorkar ka pyni shai kdar ia ka jingbymkheiñ snep jong ka sorkar ia ngi ki trai ka khyndew ka shyiap ka bri hynniewtrep. Nangta ngi iohi ruh ba ki la ialeh katba lah ban phiah ia ki jaka haba iadei bad ka jingiajied nongialam lane ka jingphiah ia ki constituency ha kata ka rukom ba uno uno u kyrtong khamtam ki jaka kum ki jaiaw, mawkhar ei ei ki nym jop shuh tang haka vote ki khasi. Nangta ka jingwanrah jong ka sorkar ia ki by-pass ka long kaba don imat kaei kaei kaba shadien. Hooid, ngi kloi ban ai jaka ia mynta ka surok hynrei haduh katno kane ka surok ka wanrah development lane ka roi ka par sha kithie ki jaka bad ka jylla hi baroh kawei ka long ka ba ngi hap ban bishar bha namar i kumba ka wanrah pynban ia ki jingsniew bad ka long ruh ka lynti ban rah kloi kloi ia ki mar nangne shabar bad ka jingmyntoi jong tang ki katto katne. Mynta ngi iohi bad ngi dang don ha ka thma kaba donkam bha ia ka jaitbynriew ka jong ngi bad kata kadei ka ILP. Ka jing bym kheiñ snep jong ka sorkar ia ka jingdawa ki seng bad ki paidbah hi ka long kaba kdew shai ia ka jingthmu jong ka sorkar. Wat lada ka ilp ka long kaba hyndai kumba ki ongte balei ym kwah iakren bad ban pyrkhat ia ki lad thymmai hynrei ngi donkam kum kata ka mechanism kaban iada ia ngi ki paid khasi kiba dang rit ioh ngi duh lut ka khyndew ka shyiap, ka um ka wah, ka khlaw ka btap, bad kiwei kiwei de ha ki khwan myntoi bad ba ioh ki ban sa bud ia ngi lane future generations ki duh lut bad ki nym don kata ka lashai hala ka jong ka jylla lane ioh ngim lah jubab ia ki jingkylli ki jong ki. Shuh shuh ka jing wanrah jong ka sorkar ia ka tenancy act kaba iada ym ia ki jaitbynriew jong ngi hynrei kaban teh bad kaban pynkylla ia ka jylla ka jong ngi sha ka police state bad ruh ka ban buh jingeh ia kiba bun ki paidbah ka ri jong ngi ka pyni ba ka sorkar ka kheiñ ba ngi long kum ki ksew kiba tang shu pyni bam u trai ngin ia kaweh tdong. Nalor kine ruh, ka sorkar kan wanrah sa ka jingiada ia ki bar jylla ki die jing die ha ki lynti ki surok kiba ka jinglong jong ki ngi nym lah ban tip lane sngewthuh. Nalor kine shuh shuh ka sorkar kan sa wanrah bun tylli ki kynja aiñ kiban pyntroiñ bad pynduh jait syndon ia ngi kum ki trai ka khyndew ka shyiap. Kan kwah ba ki rukom im bad rukom ngeit ki jong ngi kan duh lut bad ba kan pynlong ia ki jaka jong ngi kum kiwei pade ki jaka ha India kiba don ki apartments kiba heh kaba ki jait jong ngi ki nym lah ban shong hangta bad ba ngin long tang ki nongap gate bad nong ri ki ksew jong ki, ki shopping malls ha ka jaka ka lyngkha rep ba ngin long beit ki mraw jong ka sorkar bad ba ngi nym lah ban im tang ha ka bor lade, ba kin don ki fast food, ki movie theatrs, ki night clubs khnang ba ki nym don shuh ki briew ba ieid ri, ki briew ba dang tip ia ka akor ka burom, ki briew kiban long kum ki zombie lane u briew khlem jabieng ba ngin shu bud beit ia ka jing ialam ka sorkar wat lada ka ialam ruh sha ka jingjot jong ka Ri bad ka jaitbynriew.......... Pyrkhat hi maphi.
Posted on: Tue, 05 Nov 2013 14:35:53 +0000
Trending Topics
Recently Viewed Topics
© 2015