Plazuela de Iloilo, ginpasidunggan sang DoH Posted by Bombo Iloilo Posted in Ilongo Sunday, 27 October 2013 13:13 ILOILO CITY - Ginpasidunggan sang Department of health ukon (DoH) ang Plazuela de Iloilo sa consistent nga pag-promote sang healthy lifestyle sa publiko. Ang pasidungog ang ginhatag sang DoH central office sa diin ini ang ginapatigayon sa kada duha ka tuig humalin sang 2009. Una diri, gintuad ni Georey Bucana, instructor sa cardio-fitness exercise sa Plazuela, nga sekreto nga nagpangusisa ang mga validators sang Iloilo City Health Office sa mga establisyement sa syudad nga naga-promote sang healthy lifestyle paagi sa mga ginapatigayon nga fitness routine. Matapos ma-validate, napilian ang Plazuela de Iloilo bilang entry sang city government bangud indi lang fitness exercise ang ginapatigayon kundi may yara pa sang monitoring kag recording sa ikaayong lawas sang mga naga-exercise kabahin ang ginpatigayon nga Mission Slim-Possible sa diin ginkilala ang mga nagapanguna sa patag sang pagbuhin sang bog-at bangud sa pag exercise. Nahibaluan nga regular nga ginapatigayon sa Plazuela de Iloilo ang sunrise-sunset cardio fitness exercise kag ini ang libre sa tanan. Sa maabot naman nga OKtubre 29, alas-6:00 sang gab-i, isa ka Spookiest Fitness Halloween Exercise ang patigayunon sa Plazuela bilang kabahin sang pagdumdom sang tigkalalag. Welcome ang tanan nga makigbahin suksok ang paborito nga halloween custome ukon super heroes ukon cartoon character samtang naga-exercise. Ang Plazuela de Iloilo ang kabahin sang Florete Group of Companies sa diin kabahin man ang Bombo Radyo Philippines.
Posted on: Sun, 27 Oct 2013 09:23:23 +0000
Trending Topics
Recently Viewed Topics
© 2015