Pu Lalnunzira thih chungchanga ELECTRIC VENG YMA THUCHHUAK: (Thudik puanna) Pu Lalnunzira, kum-43,s/o Pu R.Tlangkhuma,E.Phaileng khua hi Nupui fanau neiin Electric Vengah a puzawn Pu Rotlaia te inhnuai luahin an awm a, Motor khalh a eizawng niin ama Taxi khalhin chhungkua a enkawl a ni.Zu a in thin avangin zu nghei tumin nasa takin a bei a, Ni 5 vel zu pawh a nghei tawh a ni. A zu nghei avang hian amah pawh a buai hle a,Ni 9.9.2014(Thawhlehni) zan pawh khan a chhungten an veng tlaivar zak nghe nghe a ni. Ni 10.9.2014(Nilaini) zing Dar 6:30 vel khan rilru buai avangin an bedroom ah chawhmeh channa chemte in a inzai ta mai ani.hetia a inzai lamah hian a ril pawh zai telin a chhuak nual nghe nghe ani. Damdawiin hnaiber Grace Nursing Home,Zarkawt ah zawnchhoh a ni a, Doctor leh Nurse ten theihtawp an chhuah chung pawhin a hliam hi a nat em avang leh thisen a chhuah nasat em avangin Zing Dar 7:30 vel khan a chatthla ta a ni. He Thihna chungchangah hian midang tel vena emaw inrawlhna emaw a awmloh avangin Magistrate phalna ngeiin Post mortem pawh tih anilo a ni. He Thihna chungchangah hian thudiklo thuthang a tam a, Electric Veng Branch YMA chuan tha atilovin a ngai thu tak hle a ni.Achunga a thih dan tarlan bak hi chu thu belhchian dawllo leh thuthang mai mai a ni tih kan inhriattir e. Social Media a hetianga thudiklo tarlan hi Thubuai siam theih aniin pawisa tam tak chawi theihna leh Lung In hial tan theihna anih avangin midang rilru hliam zawnga Social Media te hmanglo hram turin kan in ngen e. Sd/- C.LALNUNFELA Secretary Electric Veng Branch YMA, Aizawl
Posted on: Thu, 11 Sep 2014 18:01:33 +0000
Trending Topics
Recently Viewed Topics
© 2015