Pu Manzualan NOTA chungchang a ziak hi i chhiar tawh em? N O T A HI ENG NGE NI? M.Lalmanzuala NOTA hi ‘None Of The Above’ lamtawi a ni a. ‘Ballot Paper-a candidate hming chuangte zingah vote tlak pakhat mah ka hre lo’ tihna a ni. Khawvel mihringte hi hetiang tur renga siam hi emaw kan nih tih mai turin mahni hma kan sialin kan duham em em mai a. Lal(Kings/Emperors) tam berte chu mahni hmasial leh mipuite chu anmahni intihlen nan leh intihnawmsakna hmanrua-a hmang thin an ni a, an nunte pawh a rawng viau thin a ni. Lal hnuaia awm duh loh nachang hria-a mahni-a inrelbawlna, Democracy kan neih hnu-ah pawh mipuite tana roreltu tha sawi tur chu tlem azawng chauh an la ni fo mai. Communist kalphung pawhin danglamna a nei chuang lo. Thuneihna changtute chuan mipui leh Pathian hming lam chung zel siin, mahni hma an sial tawlh tawlh a, an duham tawlh tawlh a. An thuneihna an hman dik loh avangin mipui chan a chhe tawlh tawlh a. Mipuite lungawi lohna pawh a lian tawlh tawlh a ni. Thuneihna changtute chu an hausak tawlh tawlh avangin inthlan hun a lo thlenin an sum leh paite chu kawng hrangin mipui lei nan an hmang ta thin a. Anmahni leh anmahni an inbeihna pawh a nasa tawlh tawlhin a bawlhhlawh tawlh tawlh bawk a ni. Tunhma kum za daih tawhah khan George Bernard Shaw chuan, “An election is a moral horror, as bad as a battle, except for the blood, a mud bath for every soul concerned in it,” a lo ti tawh a. Indona tluka rapthlak leh chirhdiaka inbual ang khawpa bawlhhlawhah a chan tihna a nih chu. Kan ramah ngei pawh kan politics, a bikin inthlan bawlhhawlhzia chu a hretute kan ni a. Inthamna, intiamkamna, inleina, inbumna hunpui a ni ngawt mai a. Hman deuh lawka Anna Hazare ho-a ram siamthat beihpui an neih luih luih lai khan, Parliament Session neih lai a ni kher bawk a, a kaihza vengtu Arvind Kejriwal chuan, kan Minister leh MP-te chu, “Dawtsawi hmang, bum hmang, suam hmang,” ti-in a aukhum phiar phiar a. Court-a khin duh pawl thawm hriat tur chu a awm nual a, mahse a taka bawhzui ngam chu an awm ta lo a ni. Chutiang chu an nihna dik tak a ni tihna a ni ber ang chu! Mizoramah phei chuan kan chhe zual emaw tih tur a ni. A ni/ti thei chin chuan, politics chu MLA/Minister niha intihlala intihlen nan an ‘khel’ a ni ber a. Tunhnaia zirchianna pakhatin, mipui mimir thanna chu 50% vel a nih laia, kan Minister-te thanna chu 660% vel a nih atang ngawt pawh hian MLA/Minister nih hlawkzia chu a hriat theih mai a. Hei hi a taka hmuh theih chin a ni a. Hmuh phak baka an hausakna chu tam tham tak a nih a rinawm bawk a ni. Hlawh leh hamthatna uchuak taka tihsan kawnga an inthurual thap zel a, a inthurual theihna awm chhun a ni te leh an zinga mi hmingchhia/mualpho tur an awma an inchhan thiam tlat thinte hian an kalphung hrisel lohzia a tilang chiang hle a ni. MLA/Minister nihna itawmzia leh hlawkzia leh thlakhlelhawmzia chu, a ni tawh phawt chuan chawlhsan zai an rel thei lo a. Tun inthlanah ngei pawh hian, vote zawnna tha-a ngaia, “|halaite tan, |halaite hun” tih auhla-a nei reng chungin an candidate atana thalai ni tawh chiah lote thlauhthla ngam chu kan political party-te zingah an awm ta lo a. ‘Tun hi ka tih hnuhnun ber a ni ang,’ ti tawh te pawhin tlin theihna kawl eng an hmuh chuan tuma dan rual lohin an rawn inbarhlui leh thei ta a nih hi. Kan party hrang hrang manifesto-te chu TLIN nana mipui hip theih dan zawnna a ni tawp mai a. Chutiang atana tangkai tur apiang chu tunhma-a kan ti ang an tih, an tih si lohte pawh thu thar sawiin an rawn sawitlawr leh chiam chiam a. Chiang taka an tlin lohna sawirik a awm chuan inchhir thu sawi chu sawi loh, ngaihtuahna hun pawh awm lek lo-in ‘ngaihdam’ an dil nghal tawp mai a ni. Kan mawh ber EI LEH BARA INTODELH leh kan hnam nun tichhetu tak ZU KHAPBUR DAN te chuan, mipuite ber pawhin kan
Posted on: Wed, 20 Nov 2013 13:59:05 +0000
Trending Topics
Recently Viewed Topics
© 2015