"Qabaqlar nə "Facebook" bilərdik nə də "Twitter". Nə Kim Kardashian`ı tanıyırdıq nə də Justin Bieber`i. Bir Angelina Jolie var idi bir də Brad Pitt. Mobil telefonlarla, "Whatsapp"la böyümədik biz. Pokemonlarla böyüdük. Cedrik`lə böyüdük. Digərlərindən fərqlənən, Facebook`da 3000 dənə dostu olan və statuslarına 2000 like gələn deyildi. Ən çox kimin topu var idisə o idi digərlərindən fərqlənən "11 duş" oynayanda. Məhlədə toz içində oynuyurduq, yıxıla-yıxıla böyüyürdük, dizlərimiz qanayırdı. Qabıq tutanda da yaranı qopartmağı sevirdik. Qar yağanda lambir tapıb, üstündə oturub, buzda sürüşərdik. Əzələli və yaraşıqlı oğlanlar ; seksi və gözəl qadınlar deyildi xəyalımızdakı insanlar. Ana və atalarımızdı.. Həmişə onlar kimi olmaq istəyirdik. Əvvəllər gerçək olmadığını bildiyimiz halda "Qulyabani"dən qorxardıq. Bizi "Bunu eləməsən interneti bağlayacam, luna parka aparmayacam!" kimi şeylərlə qorxuzmurdular. Kəndə gedəndə ağaca dırmanmaq idi ən böyük xəyalımız, "necə edim daha çox diqqət çəkim" kimi bir şey deyildi. Hanı indi o bloklarda "fişka" oynayan uşaqlar? "Love is" saqqızının şəkillərini yığan uşaqlar? Samakat düzəltmək üçün paselnik axtaran uşaqlar? Evə çörək aparmağı, yıxılanı qalxızmağı "Kişilik" bilirdik. İndi, siqaret çəkib, facebook`da like yığıb, küçədə qızlara söz atmağın "Kişilik" olduğu düşünülür. Ən bahalı telefonu işlətməyin, planşetinin olmağının, ipodunun olmağının, "BBM", "Facebook", "Twitter", "Whatsapp" hesabları olmağının, malakanda yatmağın, "Bombalıq" sayıldığı bir gündəyik yəni. Çox yox, 4-5 il bundan qabaq idi dediklərim. Biz böyüdük və kirləndi dünya? Nə oldu axı bu qədər dəyişəcək? Keşkə yenə dəcəl bir uşaq olsaydıq və yenə dizlərimiz qanasaydı".
Posted on: Sat, 24 Aug 2013 11:47:58 +0000
Trending Topics
Recently Viewed Topics
© 2015