REPUBLIC INTHAHNA RAPTHLAK Nizan 7:30 vel khan Republic venga Pu Sangliansiama, Springfield Higher School building neitupa te inah misual hriamhrei chemsei keng lutin Pu Siama te chhungkua hi a bei a, an chhungkaw member 5- in neitupa, Pu Sangliansiama leh a nupui, Pi Khualthangi, Chief Manager, SBI, Mission Veng branch (Pi Veronica K Zatluangi laizawnnu) Pi Vanlalchhungi (Pu Siama farnu), Isaac Lalrinnunga 6 yrs ( Pu Siama fapa) leh Samuel Lalrinchhana, 14 S/o. Chalkunga te chu thah an ni a. Isaak Lalrinnunga (6) hi a tirah thi nghal lovin damdawi thlenpui hnua thi a ni. Thudawn danin zan dar 7:30 vel khan Laltlanchhuaha s/o Parzuala, sa zuar, Republic veng chu a hmunah hian man nghal a ni a, a bula mi inah dahin police ten an veng a, amah hian keimah chauh ka nilo a ti niin thu kan dawng. Sawidan thenkhatah chuan pawikhawihtu ni a puh, Laltlanchhuaha hi Chem kengin Pu Siama te inah hian a lut a. Pawisa a dil a, Rs.1,000 - an lo pe. A dil belh leh a, Pu Siama hian alo hnial chu a sat ta nghal mai niin sawi a ni. Pi Vanlalchhungi chu a tlanchhuak a, pawi khawihtu hian hnuklut lehin kawngka a kalh a, a sat zui a. Chhungkaw nu bedroom lama tlanlut chu a umzui a, a sah hnuah Samuela Cl-IX zirlai chu a that leh a, Isaka kum 6 mi pawh a that a ni. Vanneihthlak takin Pu Siama farnu, Pi Chhungi fapa, Ar. Lalhriatpuia, Aizawl FC BOG leh NECS Chief Architect chu veng dangah chaw a ei avangin he thil thlen lai hian inah awm lova a him a ni. An nula dam chhuak Ze-i sawi dan chuan Pa ber Pu Siama a vih lai chuan midang chu room ah LPS Special report an en a, chutih lai chuan thawm an hria a, an han hmuh chuan a nghawngah alo zai tawh a, buaipui a tum chu amah pawh khawih a tum veleh a, dawhkana nawr bein bathroomah a tlanlut a, midang a thah dan a hre tawh lo niin a sawi . Pa ber hi Fridge chhe siam thiam a ni a, a thattupa Tlantea pawh hian a pui ve thin a, nizan chuan rui chunga lutin Sunrider damdawi a zuar a,, a pu in pawisa a neilo a tih chuan a thin a rim a, a vit ta mai niin a sawi. Thu dawn danin pawi khawihtu hian inchhung lamah kawngka a kalh a, Pu Siama te chhung mangang au thawmah thenawm khawvengte an rawn tlankhawm a, a tirah chuan an pawh mai ngam lo a, mahse a chhuahna tur kawngka lamah mi an tam tawh avangin pawi khawihtu chu tlanchhiat tumin inchhawng 4 vela sang atang chuan a zuang thla a, Springfield School hostel chung rangvaah tla thla a, a tir chuan hostel mipa naupang te chuan an thian tu emaw chesual emaw tiin an en vat a, mahse midangin tualthattu lo man ru an tih thawm hriain hosteller pakhat chuan a tlan tur chu a pet thlu a, pawi khawihtu hian khawih let a tum laiin an chim huk a,an man bet ta a, mipui an lo pung khawm a, kut pawh a tuar nual hman a ni. Mipui an tam chak hle a, Police te pawh an thleng vat a, Laltlanchhuaha hi a bul thenawm inah lakluh a ni a, mipui pungkhawm hian kawng an dan tawh avangin laksawn theih a ni tawh lo a, mipui an tam tual tual a, mipui thinrim chuan misual hi dama chhuahtir loh an tum a, police te nen an innawr buai nasa hle, zan khua deuh thawin Police nen an innawr buai a, pawi khawihtu dahna Assam type building-ah chuan mipui thinrim chu luh an tum a, Chu assam type in luhna verrandah kawngkhar chu hnawh pingin Police an duty a, Mipui thinrim chuan Assam type tile bang te chu tichhe nasa hle a, a chung lam atang ten an lawn a, lungin an vawm bawk, mipui thinrim an ri hulh hulh reng a ni. Zing dar 3 vel khan pawi khawihtu hi Police te hian an chhuahruk pui thei ta nia thu dawn a ni. Vanduaina tawk ruangte pawh hi khawih chet theih lohvin zanlai thleng a awm a, zanlai velah postmortem turin Aizawl Civil Hospital ah lak theih ani ta chauh a, Post mortem zawh hian tukkin zing hian an ruang hi Community Hall-ah an la phawt a, vawiinah tlai dar 2 ah vui an ni ang. Samuel Lalrinchhana bik hi chu an khua Chungtlangah phurh a ni ang. Vawiina Pu Sangliansiama te chhungkaw thlan laihna hi Republic veng thenawm hrang hrang atangin mi tlawmngai ten an pui dawn a, thlan laihna tur hi a thattu Tlantea te in atangin a hla lo a ni. Pu Siama te hian an nu hriatrengnan Tripura-ah Biakin an sa a, hawn tum vel mek a ni a, hetiang chhiatna rapthlak hian a nang ta a ni.
Posted on: Sat, 10 Jan 2015 04:21:22 +0000
Trending Topics
Recently Viewed Topics
© 2015