RUANG CHHAR VUILIAM 3rd Sept. 2014 : Thawhtanni tlai dar 5 vel khan Champhai District Bulfek khaw bul, Tiau lui, Ngawi Li-ah tunge a nih hriat loh mipa ruang chhe tawh ang reng tak chhar a ni a. He ruang hi Hruaikawn khaw Len dengin an hmu a, Zokhawthar Out Post Police-te an hrilh a, Police-te hi a hmunah kal nghalin nimin khan Champhai thlenpui a ni a, amah hi kum 40 - 45 inkar vel nia rin a ni. Champhai Civil Hospital-ah post mortem a ni a; tunge a nih hriat nan ruang hi ni thum chhung kawl tum a nih zet hnuah a rim chhiat tawh em avangin District Magistrate remtihnain nizan thimhlim khan Champhai Vengsang thlanmualah phum a ni ta a ni. Champhai Police Station atanga thudawn danin, tukin dar 8 thleng khan ngaihventu an la awm lo.
Posted on: Wed, 03 Sep 2014 04:13:55 +0000
Trending Topics
Recently Viewed Topics
© 2015