#Ramenga Phoenix Vanchhawng# I WILL ALWAYS LOVE YOU - Dolly Parton Khawvela hla nalh ka tih ber top 3 thlang dawn ila ka thlan tel ngei tur he hla hi tu emaw rilrua awm reng chungin leh a original aia nalh ka tih khawpa nalh a sa tu Whitney Houston sak ngei mai ngaithla chungin lunglen puanchhuah nan hmang leh teh ang... Hmangaihna.. A hming ringawt pawh huat hial tham khawpa min ti na thei tu leh, leia awm reng chung si a Vanram min tem tir thei khawpa nuama min siam thei tu... Ni e, he hmangaihna tawng tawh tu tan chuan a ropuizia hi Tirhkoh Paula sawi meuh pawh kha a fiah tawk zo lo hial ang!! Chu hmangaihna in a hliam tawh te ngat phei chu.... Sawi duah lo zawk teh ang... Hetia ka awm reng chuan i kawng daltu mai ka ni dawn si... Chuvang chuan ka lo inthiar fihlim mai nang e.. Mahse hei erawh hi chu ka chiang asin... Englai mahin ka nghilh dawnlo che tih hi... tiin a chang khatna ah chuan.. If I should stay Well, I would only be in your way And so Ill go, and yet I know That Ill think of you each step of my way Ni e, a hmangaih chuan chu hmangaihna chu a hnawl tak miau avang chuan a tan awm ve reng na chi a ni lo... Hnawl tawh anih miau avangin a hmangaih kawng daltu mai nih ai chuan kalsan mai kha a tih theih awmchhun chu a ni ta... Mahse a thinlung erawh chuan a theihnghilh ngailoh tur zia chu a chiang em em si ani. . . Ka hmangaih reng ang che.. Ka hmangaih reng ang che.. tiin a thunawn ah chuan mawi em em in.. And I will always love you I will always love you Hmangaihna hi reilote chhung atan a ni lo... Damchhung daih ani.. A hmangaih chuan lo hnawl emaw, lo hmangaih let lo engang pawh ni se, ani chuan a hmangaih tawh miau avangin chu hmangaihna chuan a damchhung a daih tawh dawn tih a chiang em em ani. . . A chang hnihna ah chuan Suangtuah hlimthlaa a hlimlai par kan chen zawngte, chu chauh chu ani ka chantawk leh ka neihchhun chu .. Mangtha aw Duhtak...luaithli nul mai suh... I thinlai luahtu, i lunglawm kimna ka nilo tih kan hriat dun reng kha... tiin.. Bitter-sweet memories Thats all I have, and all Im taking with me Good-bye, oh, please dont cry Cause we both know that Im not What you need An hlimlai ni zawngte, tunah chuan chhingmittui ti tam tu mai chang tawh tur bak chu kalpui tur a nei ta lo.. Amah chu a hmangaih ber ti hlimtu atan a tlingzo lo tih a chiang a, a hmangaih pawh chuan chu chu a hria tih a hre bawk... Chuvang chuan hmangaihtu lung ber a dum zawh siloh chuan a kian mai a tul ta ani... Mahse ka hmangaih reng tho ang che .. Ka hmangaih reng ang che... But I will always love you, I will always love you.. A tawpna ah chuan Khuanun vengin hualhim che se la, I duhaisam zawng pawh thlen tir mawlh rawh se.. Hlim taka awm turin duhsakna sang ber ka hlan che a.., chun zawng ai pawh chuan Hmangaih duhsakna ka hlan mawlh2 a che tiin... And I hope life, will treat you kind And I hope that you have all That you ever dreamed of Oh, I do wish you joy And I wish you happiness But above all this I wish you love A hmangaih chu a thinlung chhungril ber atangin hlim turin a duhsak a, a nunkhaw nawmna leh a hlimna ber chang turin duhsakna a hlan mawlh2 a, a hmangaih anga hmangaih a tawn ve theih nan duhsakna a hlan hial ani!! Helai tak hi alawm har thin chu.. Hmangaih ten hmangaih dang nei tura duhsak hi.. Mahse.. Mahse.. Hmangaihna diktak chuan a hmangaih hlimna ber tur a duhsak miau a... Ama nat na ber tur pawh ni se, a hmangaih hlimna tur anih phawt chuan tuar a huam tlat si a ni. . . Ka hmangaih che, ka hmangaih reng ang che.. Ka damchhungin ka hmangaih ang che I love you, I will always, always love you I will always love you I will always love you I will always love you Tichuan hmangaih biahthu hlan chung leh damchhunga hmangaih intiam chung zelin Khawvela love song mawi ber pakhat chu a hnu a khar ta ani. . . ps (again): Hmangaih loh ka nih inpawm harsa ti tak chunga ka pawm a ngai a.. I kawng daltu mai nih hlauin ka kiang ngei bawk a... Mahse Duhtak.. Ka damchhunga ka hmangaih reng tur zia che chauh tal hi chu min hriatsak ang che aw...?? I will ALWAYS love you Page like duh tan →HAN DAWN VE TEH←
Posted on: Fri, 14 Nov 2014 13:36:42 +0000