Rangvamuala leimin bihchianna September thla vel aṭangin Rangvamual veng tawntirha kawngpui chhak lama in hmun tur laih vangin lei a min ṭhin a, in paruk a tihchhiat tawh bakah, tun thlengin a la min ṭhin avangin mipui vantlang tan harsatna a la siam ṭhin. He leimin leh a nghawngte enfiah tur hian sorkar chuan Inspection Team a din tawh a ni. Inspection Team-ah hian Tlangnuam BDO VL Chhuanawma Chawngthu chu leader a ni a; P&E executive engineer, Geology & Mineral Resources mithiamte leh Rangvamual Local Council chairman-te chu member an ni. Leimin dan Leiminna hnuaiah hian Ramthanmawia, Laipuitlang chuan in hmun tur a lâi a. September 18, 2014 zan dar 11 velah leiminna chhak lam chu a min a, chu chuan kawngpui chhaka Lalruatkimi, in, Assam type chu kawng laiah a hnâwl thla a ni. In dang pali pawh a tichhia a, luah zui ngam lohin an awm hlawm a ni. In paruk chhiate sak ṭhat nan Rs. 75,000 ṭheuh pek turin sorkarin a ruahman. October 20, 2014 zan dar 8 velah lei a min leh a, kawngpui a hnawh ping vek. A tûk October 21 zing aṭangin kawngpui hnawhtu lei leh lungte chu paih fai nghal niin, zing dar 7-ah lirthei kal theiha siam tlang a ni a; mahse chawhnu lamah nasa taka min lehin, kawngpui a hnawh ping leh a, chu erawh chu an siam tlang mai theih loh avangin a tuk leh, October 22-ah pawh chawhma lam thlengin kawng a ping a ni. Harsatna leh sum hloh October 20 zana leiminin kawngpui a hnawh vek avang hian October 21-ah lirthei tam tham tak a tangkhang a, lirthei tam tak chuan leimin chu Sakawrtuichhun kawng lamah hel an tum a, mahse traffic a jam nasat avangin an kal thei chuang lo. October 21-ah hian Mizoram pawna zin chhuak tur mi ṭhahnem takin thlawhna an nang hman lo. Aizawl-Kolkata leh Aizawl-Guwahati thlawhna chauh ni loin, mi tam tak chuan connecting flight an neih avangin Kolkata leh Guwahati aṭanga an thlawh lehna tur thlawhna pawh an nang hman lo a, sum an seng thlâwn a ni. Thlawhna nan hman loh vanga sum chawi thlawn hi cheng nuai tel fe niin thu dawnna chuan a sawi. - See more at: vanglaini.org/tualchhung/27045#sthash.ypke7IhS.dpuf
Posted on: Mon, 03 Nov 2014 03:40:09 +0000
Trending Topics
Recently Viewed Topics
© 2015