Rom 12 : 1-16 Cuti a si ruang ah ka u le ka nau tla a tam zet mi Pathian ih in zangfah nak ruangahhin nan ruangpumpi cu a thiangmi le co hlan tlak raithawi nak bang tuk in Pathian hnen ah pe uh tiah ka lo dil. Cumi cu Pathian hnen ih nan pek ding mi biaknak taktak cu a si. Hi khawveldan ah hin kop nawn hlah uh. cu hnak in nan thin lung kha tharthawk ta hrat in thleng aw sawn uh.Cutiin Pahian duhnak nan thei dingih Pa thian ih hmai ah ziang so a tha ziangso a lungawi mi a si ti le ziangso a fam kim mi a si ti kha nan thei ding. Pathian in a zangfah nak laksawng I pekmi ruangah pumpak ciar nan hnen ah hiti in ka sim, nan ruah awk ding hnak in sang deuh in ruat aw hlah uh.ziang vek teu so ka si ti kha thei aw sawn uhla, Pathian in zumnak a lo pek mi zat in nan ruah awk dan cu si she. Nan ruangpi cu pa khat a sinan taksa then tam pi a um ih cuih taksa then pawl ih hna tuan nak cu a bang aw lo. Cubangtuk in kan nih khal mitampi kan si nan Khirh thawn kan pehzom awknak thawng in pumkhat kan si. Kanpumih taksa then pawl an peh aw theh vek in kan peh aw tluh ve a si. Cuhuangah lak sawng phun dangdang kan ngah mi cu Pathian zaangfah nak kan co zat ciarin hmang uh si. kan ngah mi laksawng cu Pathian thu phuan ding a si ah cun zumnak kan co zat in phuang uh si, cubangtuk thiamthiam in midang rian tu ding kan si ah cun rian uh si, zirhtu ding kan si ah cun zirh uh si.midang thazang pe tu ding kan si ah cun pe uhsi. Kan neihmi thilri kha mi dang hlawm tu in kan si ah cun siang zet in hlawm uhsi, Hotu ding kan si ah cun teima zet in tuan uhsi, midang hnen ah zangfahnak langter tu ding kan si ahcun lungawi sopar te in langter uhsi. Duhdawtnak kan titikah thinlungtaktak in duhdawt ding a si. Atha lo mi kha hrial uh la a tha mi kha kai hnetuh. Khristian unau pakhat le pa khat sunsak aw zet te in duhdaw aw ton uh. Pakhat le pa khat hmaizah awknak thiam uh. zangzzel hlah uh. Napi in hna tuan uh, Nan thinlung za te pe in Bawipa ih hna cu tuan uh. Nan bei sei nak in nan lung lo awi ter she.Harsat nak nan ton tik ah thin sau in um uh .Cat lo in thla cam uh.A tlasammi khrihtian nan u n pawl thawn nan neih mi kha hlawm aw ton uh.Cule mi khual pawl hrang ah nan sangkaa onguh. A lo hrem tu pawl hrang ah cam riam nak si lo in thlawsuah nak kha Pathian hnenah dil sak sawn uh.Lungawimi pawl thawn lungawi tlang uh la A tap mi pawl thawn tap tlang uh. Nan mahih zon nan ruah vek in midangih zon kha ruat ve uh. keimah ka si blah uh.Hnatuan tuktak tete tuan duh nak thinlung nei uhka fim a si tiah ruat aw hlah uh.
Posted on: Sat, 20 Jul 2013 14:10:07 +0000
Trending Topics
Recently Viewed Topics
© 2015