Ru yak jamjau kawsi hpang gara hkrum ai ten malu masha n’mu yup ra nga shara garen ai ten Nu a ngwi pyaw simsa shim lum ai dum n’ta de bai wa mayu. Duhka pu ba machyi makaw hkrum ai ten,manaw manang tsan gang garen gari yawn hkyen tsin yam hkrum ai ten Nu a ngwi ai shalan shabran ga the Nu a si manyi sharin shaga ai ga hpe bai na mayu. Shut hpyit lam dam hkrat sum ai ten,kam hpa shara n’mu ai shani shana ningsin ninghtoi ten hta shingbyi lung hkrung tai ya ai Nu a lahpyen shingma de ngai bai wa mayu. Nu…Ma hpe mara raw ya rit….> Shabai myit hpe sharai let Nu hpang bai wa na. Yawn hpyen myi prwi gatsut let Nu hpang bai wa na. Sharai myit hpe shalan let Nu hpang bai wa na. Hkrat sum mat sai myit hpe shading let Nu hpang bai wa na. Nu a kraw hkrat kasha. Baren Numraw.
Posted on: Sun, 25 Aug 2013 08:02:25 +0000
Trending Topics
Recently Viewed Topics
© 2015