Rumannan riba facebook! Awe mi ta pidi bosonan tur, ban duna mihó di nos kapasidat, talento i konosementu pa Kòrsou resultá un pais drechi. No laga pa e isla aki bira sentro di krímen i di rabia. Tur hende meresé pa biba na un nivel i grado di kalidat di bida aseptabel. No ta petroli, no ta gas òf otro rikesa natural ta determiná kiko un pais por, sino rèspèt mutuo i boluntat pa koperá ku otro! Ademas, mester pone padilanti ku loke bo no ke pa Abo, no hasié ku un otro. Awor, si bo habri bo wowo mira rònt tur dia den bario i na bo trabou bo ta nota ku un grupo masha chikitu mes ta bai dilanti, miéntras un grupo grandi ta keda patras. Dikon? E sistema ta basá riba mal repartishon di entrada i posibilidatnan sumamente limitá. E estilo aki al final ta enserá maske kon bon bo ta, maske kon bon intenshon bo tin i esfuersonan ku bo ta hasi, e gran mayoria ta resultá tòg den e grupo grandi kaminda e slanan duru di bida ta kai. E situashon aki ta kreando en general un mentalidat sumamente negativo. Pa 100 porshento mi ta kombensí ku por papia aki di un BOM den nos pais. Aktualmente ya tur dia tin e prueba di muchanan ku ta lanta ku e konvikshon ku ta malu mester hasi pa por progresá den Kòrsou. Nan ta konsentrá riba ladronisia, droga i arma. What about krímen organisá? Komo ku nos ta un isla chikitu nos tur rápidamente lo sinti e konsekuensianan devastador ku ta fomentando. P’esei laga pa nos tin bista pa e tendensianan aki tambe. No biba sin ta konsiente di e realidat ku nos tur huntu ta kreando!!!
Posted on: Fri, 29 Nov 2013 06:34:09 +0000
Trending Topics
Recently Viewed Topics
© 2015