Rural Improvement Club of Estancia (RICE) it Munisipalidad it Kalibo, Regional Outstanding Rural Improvement Club Awardee Sambilog ro Rural Improvement Club of Estancia (RICE) It Munisipalidad it Kalibo nga nangin Regional Outstanding Rural Improvement Club Awardee. Raya hay sa ginhimo nga awarding it tanan nga mga asosasyon it mga Farmers nga nagpakita it ekstra-ordinaryong kahugod sa patag it pagpanguma. Ku adlaw nga Lunes, ginpadaea ni Mayor William Lachica sanday Mr. Primo Ibesate Jr. Municipal Agricultural Officer, Ms. Alicia Rebuelta, Agricultural Technologist ag rbo Coordinator, kaibahan man sanday Hon. Edison Inocencio punong Brgy. It Estancia ag Hon. Amelyn Fernandez Rice President agud batunon rong plake kaeakip man ro P50,000.00 nga haega it Proyekto. Ro awarding hay ginpatigayon sa Sarabia Manor Hotel, kun sa siin kadungan ku Rural Improvement Club of Estancia nga nagbaton it mga Award hay ro sipalay Fisheries & Aquatic Resources Management Council of Sipalay, Negros Occidental bilang Outstanding Fisheries and Aquatic Resources Management Council (FARMC) ag Southern Iloilo Area Multipurpose Cooperative it Oton, Iloilo bilang Outstanding Small Farmers Organization. Bilang presidente ku Rural Improvement Club of Estancia, Personal nga ginbaton ni Hon. Amelyn Fernandez, Brgy. Kagawad it Brgy. Estancia, ro padungog para sa anang mga kaibahan nga mga Kababayenhan nga miembro it Rural Improvement Club. Ro GAWAD SAKA hay sangka Search for Outstanding Filipino Farmers. Kada dag-on ra nga gina-ubra ku Department of Agriculture para kilaeahon ag taw-an it dungog ratong mga dedikadong indibidwal ag institusyon nga may tumaeagsahon nga mga kontribusyon sa Agricultural Development It Pilipinas.
Posted on: Wed, 31 Jul 2013 22:46:45 +0000