SALVATION KHAWMPUI HMANG MEK Chhandamna Sipai Pawl India Eastern Territory a thalai khawmpui lian ber Territorial Youth Congress chuan kohhran hrang hrang thalai hruaitute thawhho dan ngaihtuah nise an ti. Chhandamna Sipai Pawl India Eastern Territory a thalai khawmpui lian ber Territorial Youth Congress leh Salvation Army Youth kum 60 tlin Diamond Jubilee lawmna ni bawk chu Joint YMA Field Vaivakawn ah neih mek a ni. Ningani khan Dawrpui Vengthar Corps ah General Council neih a ni a, Division hrang hrang atanga Agenda zingah Kohhran hrang hrang thalai hruaitu te thawhho theih dan ngaihtuah ni rawh se tih chu tha an ti a, Territorial SAY hruaitu ten hma lo la se an ti a, Thianghlimna kawnga beihpui thlak mek chu chak zawka hmalak te, Corps hrang hrang in T. Shirt an siam thin chu rualkhai zawka hman tur TSAY in ruahmanna lo siam se tih te, Territorial Youth Congress kum 3 dana neih thin chu kum 5 dana neih tawh nise tih rawtna chu tuna kalpui mek anga kalpui leh phawt nise an ti a, General Council hi Territorial Youth Secretary Major Reuben Lalnuntharan a kaihruai a ni. Nimin chawhma lamah Vision Sharing neih a ni a, chawhnu ah Cultural Programme hman a ni. Vision Sharing Programme ah hian Resource persons hrang hrang Ari Benjamin, Ramthlengliana leh Central South Division DYS Capt. K Lalrinpuia ten Sports chungchang palaite zirtirna an pe a, David Zonunsanga, R Lalremruata, Henry Lalmawizuala, TSAYC Asst Secretary Zairemmawia Pachuau ten Music chungchang an sawi a, Career Guidance (Education) chungchangah Vanlalhmachhuana, Dr. Richard LR.Hluna, Senior Advocate Nelson Sailo,TSAYC Treasurer Robert VL Thlamuana ten zirtirna an pe a, Career Guidance (Entrepreneurship) chungchang Jimmy Laltlanmawia, Pu Lalpiangliana Sailo, TSAYC Asst Leader F. Lalmalsawma, C Lalrinmawia leh TSAYC Financial Secretary Malsawmtluanga ten zirtirna an pe a ni. Chawhnu Cultural Programme ah hian Corps hrang hrang ten Mizo hnam lam chi hrang hrang an entir a, C.O bial Songster 3 an zai bakah mal zai te ngaihthlak a ni bawk. Nizanah Musical Night neih a ni aa, Beat group hrang hrang te, Symphony te, malzai te, leh atems chi hrang hrang ngaihthlak a ni. Commissioner Lalngaihawmi Territorial Commander chuan vawiin Pathianni Thianghlimna Inkhawm ah Pathian thuchah a sawi ang a, Commissioner Lalzamlova, International Secretary for South Asia leh Commissioner Nu-i Zonal Secretary for Womens Ministry , International Headquarters London, Youth Congress hmang tura rawn kal te chuan naktuk Pathianni Chhandamna Inkhawm Final Meeting-ah Pathian thuchah a sawi ang.
Posted on: Sat, 11 Oct 2014 04:13:49 +0000