SAM 19:1 Vante khian Pathian ropuizia chu a hriattir a; Boruak zau tak khian a kut chhuak chu a lantir thin a. 19:2 Chhun hian chhun hnênah thu a sawi chhawng zel a, Zan hian zan hnênah hriatna a lan chhawntir zel a, 19:3 Thu sawi rêng rêng leh tawng rêng rêng a awm lo va; An aw chu benga hriat theih a ni lo. 19:4 An tehna hrui chu leilung luah zawng zawngah zam chhuahin a awm a; An thu chu kawlkil thelngin a thang chhuak ta a. Chungahte chuan ni tan khian puan in a zar a, 19:5 Chu ni chu mo neitu tûr a pindan ata chhuak ang chu a ni a, Mi chak tak angin a tlanna kawnga a tlan tûr chu a hlim thin. 19:6 A chhuahna chu kawl kil tawp atangin a ni a, A tlan kualna chu a tawp lehlam thlengin a ni a, A lum hre lova thuhruk rêng rêng a awm lo. 19:7 LALPA dan chu a tha famkim a, nunna siam tha thin: LALPA thuhriattir chu a rinawm a, mi mawl a tifing thin; 19:8 LALPA thunnunna thu chu a dik a, thinlung a tilawm thin: LALPA thupêk chu a thianghlim a, mitte a tivar thin. 19:9 LALPA tihna chu a fai a, kumkhua atân a awm thin: LALPA rorêlnate chu a tak a, a fel vêl vek a ni. 19:10 Chung chu rangkachak aia duhawm zawk a ni a, a ni, rangkachak thianghlim tam tak ai pawhin: Khawizu leh khawithlar aiin a thlum zawk bawk a ni 19:11 Chu lo pawh chu chung chuan i chhiahhlawh hi zilhin ka awm thin a: Chung zawm chu lawmman nasa tak neihna a ni thin. 19:12 Tuin nge mahni tihsualte hre thei ang? Sual inthupte lakah hian mi tifihlim ang che. 19:13 Thil tisual lui lo tûrin i chhiahhlawh hi mi chelh tlat la; Ka chungah thu neihtir suh ang che: chutichuan tha famkimin ka awm ang a, Bawhchhiatna nasa tak lakah saiwselbovin ka awm ang. 19:14 Aw LALPA, ka lungpui leh mi tlantu, Ka kaa thu chhuakte leh ka thinlunga ngaihtuahnate hi i mithmuhah lawmtlak takin awm rawh se.
Posted on: Wed, 25 Sep 2013 15:15:46 +0000
Trending Topics
Recently Viewed Topics
© 2015