SAPELE/DELTA STATE MUST BETTER. 12/12/2014. PENNY WISE,POUNDS FOOLISH. Hahahahahahahahahaha see as some people dey deceive demselves since. When we dey talk from here dey advice Hon. Monday Igbuya,say make e dey behave well,e be like say i dey insult am,then unu wen be him supporters,go dey jump like say na the peak of unu enjoyment for live nai unu dey with am. Make unu just imagine the period wen e dey receive Constituency Allowance and e nor gree utilize the money for any infrastructural or meaningful project wey go helep sell him name positively. Rather you save all the money to urself. Hon. Monday Igbuya,you nor see say na Penny wise Pounds foolishness nai u use rub body since. You sidon for Sapele dey lead as the only unshakeable PDP Chieftain,you even come dey use your power dey oppress both the common man. You cut Government School field take build Hotel. You cut Government Land take,wey belong to the Mechanic Village people. You dey do rubbish Roads,wey nor go last,only you dey pack all the Contracts wey dey come the town. You sidon press the growth of this town. The one wey dey pain me pass,na the people wey e render Homeless. Just dey buy people Houses. I know say you go begin get problem,when you push Hon. Paulinus Akpeki candidate,wey be him son,from the seat as the Sapele Local Govt Council Chairman. You Igbuya u too stingy,and e dey show for all your Political Drama. Make i just tell you na Nemesis dey worry you so. Small money wen you go use develop ur own place then,wen go dey sell your name dey go Positively and the people go dey pray for you,you go divert am to ur personal use. I tire for you becos with the way u dey go now,u don spend almost N100Million dey pursue ordinary House Of Assembly seat,wey you dey get plata of gold since. You too step on toes Hon. Monday Igbuya and you too proud. You go even dey proud for me like say i send you. This money wey u dey spend dey beg for Ticket,dis na just Ticket for PDP Primary Election oh,d main Election norva reach oh,dat na if dem go give you the Ticket. You must know say na people curses nai dey worry you so. Nor be to dey gada women for your Papa frontage nai be sign say u win oh. Nor dey deceive yourself you fail yakata for this Election becos your pass attitude towards things dey very poor. Left alone with me,i for like make you go,so that you go fit actualize your speakership,but when i see this Zoning thing i cum dey feel say,the thing fit nor favour you at all,so if e nor go favour you,then i suppose happy make u go again? When i think am, i cum dey try dey evaluate and access your impact for Sapele since the last 16years wey u dey the Government. Hon. Monday Igbuya make i tell you,you nor get any meaningful impact,na just ur selfish desire,nai u know about. Since this issue start,you nor fit stay ur big House wey u build again for Sapele,na the big House wey you build for Asaba nai you pack your wife and family go dey stay. Na so so so Hotels nai you dey stay,inside A.C you dey sweat now,dey bribe all the Stakeholders make dem give you the Return Ticket. Igbuya dis na wetin u for get with ease,if to say you really dey work. Na all the money wey you keep from our benefits nai you dey waste so. Children wey you dey pile up wealth for,don tell you say dem nor dey reason all this ur wealth. See common Delegate to go vote,you and your Boys share am give unu Wife people. Boys wey dey work with unu since,unu nor fit assist them. People wey don get money before,unu still pack deir names put for Delegate list again,for where people for norva benefit anything from the Party since,some don dey buy Cars now. You Igbuya you nor see as people dey happy say dem commot Ticket from ur hand,even if dem know say,dem go give you Speakership position? Atink your eyes don dey clear now. I Remain The Otota1 Of Sapele. The Urhukpe1 Of Okpe Kingdom. The Asamaigor1 Of Itsekiri Kingdom. The Eagle Eyes Of Delta State. God Bless Sapele. Wetin be unu advice to Hon. Monday Igbuya. SAPELE/DELTA STATE MUST BETTER.
Posted on: Fri, 12 Dec 2014 07:20:55 +0000
Trending Topics
Recently Viewed Topics
© 2015