SAPOLO A MASA A MALAI I ARGA SIIKO MGA BABAY A MGA MUSLIM Pakaiza: hay babay ami ko agama ino kagaga o badan ko a matotong ko Apoy? Aya smbag iyan na di. Kagya dingkabo kagaga na inongka di kalkn so Allah, na inongka dikalkn so Siksa o Allah a Apoy o naraka a Sokayaw niyan na takp sa dibodn piratakp so kayaw o Apoy sa Dunya. Na inongka pkalkn a kaloys ka sa Apoy sa giyangkai a Dunya, na dingka ikalk so Saalongan a Mauri, ipandapat ka opamaka bakadn maloys saya sa dunya antunay kagdam ka? Na taksn kaon so roo sa alongan a mauri o antunay karasay na kasakit o siksa roo, lomindong tano ko Allah siksa iayan sa alongan a mauri, na pangnintano ko a pamaka soldn tano niyan ko surge iyan, a mitagpda tano roo so mga masanggila a taw. Amien. Babay ami ko agama islam, kataya so mga ala I araga a masa na nggaangka na gongka ngolalann. 1-Panabnaringka so kitindgn ko mga samayang, siiko mga wakto niyan. Mataan a ska na sigoradodn a ipagisa rka sa alongan a mauri so, sambayang ka, na omaka apas na miyaka apas so kalangolangowan o galbk ka, na opama pman ka dimaka apas na miyabinasa so langowan a galbk ka. Na gayka kamaoto na inongaka pagolai so oras ka, ikaroodn nggalbkangka ka angka makadaya sa alongan a mauri, angka roo di kasiksa. Panamaringka so Pat ko Onaanpn o dakapakatalingoma o Pat. a- So kaoyagoyag ka ko onaanpn o dangka kapatay. b-So kangodangka ko onaanpn o dangka kaloks. c-So kaadni rka ko onaanpn odangka kapobri. d-So kada a bangn ka ko onaanpn o darka katago sa mga bangn. Mataan a so Nabi (s.a.w.) na pitharo iyan: { لاتزول قدم ابن آدم يوم القيامة حتى يُسئل عن شبابه فيما أبلاه، وعن ماله من أين اكتسبه، وفيما أنفقه، وعن عمره فيما أفناه} Maana: didn malkat so mbala a ski o mbawataan o Adam sa alongan a maori taman sa diyun miisa so kangoda niyan o anda niyan piyakatoa? So tamok iyan o anda niyan miyatamok? Go andaniyan piayagosar? Goso Omor iyan o andaniyan inosar? 2-Panamaringka so kitindgn ko wakto a Fajr, osaraka o kinanglan sa Alarmclock, datar o kapagosarangkaon igira sa para ko mga kinanglan ka sa dunya, na pabila a makanaw ka na pamokawangka so mga taw sa ligid ka, so karomangka (so taw a adnmambo a karomaniyan) so mga wata iyo, so mga solda aka, datar o mga pagaringka so mga loks ka, ka angka makakowa sa balas a madakl, na sabarangaka oto apyapn margn a kaggdamangkaon, na panamaringka a kapaka kowangka sa balas a madakl a makapopoon ko Allah. 3-Panamaringka so kitindgn ko mga sunat a bitowan sa (sunanorratibah),mataan a knaba rka pka kowa sa madakl a Oras, go mataan a mala a matatagoon a balas a imbalas o allah ko mga taw a ptendgon, 2 rak-ah ko onaanpn o dangka kapaka sambayang sa Fajr, 4 rak-ah ko onaan o sambayang a Dhohr, 2 rak-ah ko iriyan mambo dohr, so rasol (s.a.w.) na miyatharo iyan a (من صلى قبل الظهر أربعاً وبعدها أربعاً حرم الله وجهه عن النار) Maana: sa taw a sambayangan iyan so pat rak-at ko onaan o sambayang a dhohr, go pat mambo ka rak-at ko iriyaniyan na hiyaram o Allah a bontal iyan ko Apoy o Naraka. Datar mamabo oto a 2 rak-ah ko iriyan o magarib, go 2 rak-ah mambo ko oriyan o aisah, na timotimoangka ka 12 ka rak-ah. Aya katharo Nabi (s.a.w.) na (مامن عبد يصلي لله تعالى كل يوم إثنتي عشرة ركعة تطوعاً غير فريضة إلا بنى الله له بيتاً في الجنة) Maana: daa oripn o allah a aya kaadnaiyan na diisambayangko oman gawii sa 12 ka rak-ah sa bolontir iyan bo, a salakaw ko mga sambayang a paralo, inontabo na mbalayan skaniyan o allah sa walay niyan sii sa surga. Na pd sa manga sunnah a samabayang na so sambayang a Weter ko onaan pn o dangka kapakatorog, aya pinaka minos na tloka rka-at, na makapasad ka sambayang na pamangniyangka ko allah so nganin a pkababayaan ka siisa dunya go sa alongan a mauri. Na obangka kalipate so sambayang a duha, igira a kapipita a malodn minibayaw so alongan, ka mataan a giyangkanan a mga sambayang na mapakasla iyan so mga pangkatan ka ko allah, go kioman ko manga galbk ka a mga pipiya, na mapakapnd iayan so timbangan o galbk ka a mangapipiya siisa alongan a mauri, na mapaka daiyan so mga dusangka, siiko gawee a didn pkabgay a gona so tamok gosombawataan. Aya pitharo o Allah sa Qur-an na (فَمَن يَعْمَلْ مِثْقَالَ ذَرَّةٍ خَيراً يَرَهُ (7) وَمَن يَعْمَلْ مِثْقَالَ ذَرَّةٍ شَرَّاً يَرَهُ) Maana: sa taw a nggalbk sa datarbo o indang a mapya na kailay nioyan dn sa alongan a mauri, na samambo sa nggalbk sa datarbo o indang a marata na kailay niyan dn sa alongan a mauri. 4-Na panamarinka so jikr a miyangaaaloy o nabi (s.a.w) ko oman gawee, so kalindong ko allah makapoon ko langowan a pamakabinasa, so kapamangni ko allah, so khapanon ko allah igira miyaomaka a dimangapipoya, sa siika phagapas ko allah, dikaphagapas ko mga kaadniyan ka ndatadatar kanobo a paglilndn kaadn o allah, na aya mas mapya na langon anan na diipamimili sa mga oras a tatarimaanon, datar o igira miyaoma so ika tlo baad ko kagagawii a pkaori, mataan a so allah na ptpad sii ko langit o lupa, na diniyan taroon a :antay pamangni na imbgay aknon, na antay makakikinanglan na imbgay aknon, antay pangni sa rila na prilaan akn, go siiko gawii a diyamaat na adn a isa rooka oras a tatarimaan so pangiron, datar mambo oto siiko oriyan o kapakapasad magbang o pag’bang. 5-Panamaringka so kapamuasa (pakambarakatn rka o allah) ka angka makakowa sa madakl a mga balas a mangapipiya, na sutiyangka a ginawangka makapoon ko mga dusa a miyanggalbk ka, na pananggila ingka obangka aya kapowasai na so mga gawee a isasaparon so kapamoasa. Mga gawee a sunat so kapowasairon: a-So kapamowasai ko alongan a isnin ago kamis. b-So kapamowasai ko mga gawee a mammnoon so olan oman ika 13,14,15, ko omani olanolan, ko calendar a hijry. c-So kapamowasai ko gawee a asura, sii pkipantag ko oman ika 10 ko olanolan a muharram. d-So Kapamowasai ko gawee a arafah, siimambo pkipantag ko ika 9 ko olanolan a zul-hijja. e-So kapowasa sa 6 gawee ko olanolan a sawwal. Mga gawee a diyyon kapakay so kapamowasa: a-So katndoa sa kapamowasi ko alongan a diyamaat, ago sapto. b-So kapamowasai ko gawee a kandodowadowa o madakl a taw o ino miyaoma so poasa oda? c-So kapamoasaiko gawee a mga buka, ndatardn so buka sa poasa goso buka sa ariraya. d-So kapamowasai ko mga gawee a attasriyq, oman ika 11,12,13, ko olanolan a zul-hijja. 6-Panamaringka so kingolalan’n ko mga wajib rka (toroongka o allah), kagya mataan a kisomarya rka oto, datar o kiapapantagn ka ko duwambala a loks ka,so karomangka, so mga mbawataan ka, so mga wajib rka ko kipapantagn ka ko sold a walayngka, pitharo o Nabi (s.a.w.) { كلكم راع وكلكم مسؤول عن رعيته} Maana: langongkanodn dii magipat, na langong rkanodn kiisa so pagiipatn iyo. 7-Panamaringaka so kasapngingka ko awrat ka igira pliyoka sa walay (sapngangka o allah a paratiyaya), mataan a sataw a ikalk iyan so allah na tabangan o allah. Na panangilaingka sdo mga ndetarn a mangalilgt, panangilaingka so kapananayaniko mangadadabiatan o mga mama, goso kapananayani ko ndetar o mga babay a kapir, pakalaangka so kaya aka, aya mala na ayangka ikaya na so allah ka apya andaka matago na pkailayka o allah. So mambo so mga ina na kalkn iyo so allah siiko mga wata iyo, diniyo seran pkaliyowa sa walay a lomlkas, ka knaba seran dn mga wata ka mga raga seran dn, na sa taw a aya kalayaman iyan ko kaphaka slai iyan na kandetar sa maligt na margn dn o banioyan kagniki inontabo sa ikalimo o allah, mataan a skano a mga ina na ipagisa rkano so mga wata oiyo o miyaseyap iyo seran. 8-Na panangilaingka obaka pkaliyo sa walay a miyaka osar ka sa mangaaamot, datar o perfume. Mataan a miyatharo o nabi (s.a.w.) a { أيما امرأة خرجت من بيتها متعطرة، ومرت بالرجال لعنتها الملائكة} Maana: sadn sa babay a lomiyo sa walaniyan a miyusar sa ikakamotan, na somagad sa manga mama, na ipamaninta skaniyan o mga malaikat. Na kalkn ka so allah babay ami (tawpikangka o allah), sa taw taw a malai kalk ko allah na kasarigan niyan dn oto. 9-Panangilaingka so kapamakin’g sa mga music, na obangka aya pamolaa ko mga ikaritan ka na so kapamamakin’gg sa mga music, mataan a so Qur-an agoso music na dedn katimo sa satiman a darpa, kagya so Qur-an na poon ko Allah, na so Music na poon ko Saitan, mataan a so nabi na dn a miya ilay niyan a mga taw a psiksaan na psokarn na go pmbowarn a mga tangila iran na iniisa iyan na aya miyataroon na gyoto so mga taw a mababaya mamakin’g sa mga music. Mataan a sa taw a ibagak iyan so sai na sambiaanon o allah a giyangkaotoa a sais a mas mapya a digiyoto. 10-Tatadmingka babay ami a mataan a skitano sa katatago tano sa dunya aya na matag tano sayabo sagad, giyaya so darpa a di khatatap, na adn a darpa a pangndodan tano a gyuto so alongan a mauri, na sa mga taw a mipyapiya na aya bagianiran na so surge, na sampan sa dapyapiya na aya bagianiran na so kaseksaan, na odeseran kalimoon o allah na khatatap seranon, go tatadmingkapn babay ami a langon ytanodn phatay, na ditrano katawan o kano I kaphamamatay tano, na aya patot rkitano na so kapaka slaa atano ko mga pparatiyaya tano, so kanggalbka tano ko mga ini sogo rkitano o allah ago nabi (s.a.w.). Ilaya niyoman manga babay ami so mga tongany niyu na anda seran dn, so mga wata iyo, so mga loks iyo, miyuna serandn gomanat, na aya segorado na skitano pman I phaka tondog kiran, na kinanglan na kapreparadoan tano mambo so kangganati tano mambo sa gyankai a dunya, sa batanodn pamaka slaa so samba tano ko allah. Pangningko ko allah a totoroon tano niyan langon ko ontol a lalan a iphamaka sorga tano, sa baloyn tano niyan a mga taw a pd ko mga aala I semba rkaniyan, amien.
Posted on: Mon, 05 Aug 2013 09:12:15 +0000
Trending Topics
Recently Viewed Topics
© 2015