*SAVE AND SERVE ILIGAN* DUYOG! BAG-ONG ILIGAN PRESS RELEASE OCTOBER 04, 2013 GROUND BREAKING SA PAGTUKOD OG KABALAYAN PANGULUHAN NI MAYOR REGENCIA Panguluhan ni Hon. City Mayor Celso Gomera Regencia ang Ground Breaking Ceromony sa Pagtugod og kabalayan karong sunod adlaw’ng martes petsa otso (8) ning bulan sa oktobre tuig dos mil triesi (2013). Ipahigayon ang maong kalihukan sa alas 9:30 ang takna sa buntag didto sa may zone 8 Barangay del Carmen ning atong syudad. Sa maong kalihukan muhatag og welcome address si Barangay Captain Pablito Abragan Jr. isip maoy amahan sa maong barangay, Pastor Jose de Luna alang sa project briefing kinsa usab presedenti sa Nehemiah Ministries Foundation Inc. Muhatag usab og mensahi si Councilor Ariel Anghay isip Chairman sa committee on housing and resettlement sa Sanguniang Panlungsod ug Hon. City Mayor Celso Gomera Regencia isip amahan sa dakbayan sa iligan. Ang maong kalihukan sa pagtukod sa mga panimalay karong sunod semana suportado sa NEHEMIAH MINISTRIES FOUNDATION INC. ug kagamhanang lokal sa iligan.-Eduardo A. Loyola. MAYOR REGENCIA MIMANDO SA CHRMO SA PAGPAHIGAYON UG PERSONNEL AUDIT Gimandu-an ni Iligan City Mayor Celso G. Regencia ang City Human Resource Management Office-CHRMO nga mupahigayon ug Personnel Audit sa unang napulo ka departamento diha sa lokal nga kagamhanan. Ang kamandua-an sa Mayor gipaagi sa usa ka memorandum order no.49 series of 2013 gisangonan sa Mayor sa maong gimbuhaton mao silang Marilyn Semborio Dawes, Supervising Adminitrative officer ug Ms. Mila Rodrigo sa City Human Resource management Office. Ang unang napulo ka departamento nga hatagan ug prayoridad sa Personnel Audit mao ang CMO, SP, CAD, CLO CTO, CACC, CBO, GSO, CEO ug ICWS. Sulod sa 30 ka adlaw ang pagatapuson ang maong gimbuhaton aron isumiter ngadto sa buhatan sa pamuno dakbayan. Katuyo-an sa maong Personnel Audit aron masayran kon unsa ang mga existing plantilla position diha sa matag departamento ang matawag nga overloaded og underloaded ilabi sa casual employees services, ug diha masayran usab kon unsa nga departamento ang gitawag nga “Most borrowed personnel”, gilakip sa maong kamandu-an sa Mayor ang kooperasyon sa mga empliyado diha sa matag departamneto sa City Hall.(ree j. altres) DUGANG BLOOD LEETING ACTIVITY UG MEDICAL MISSION IPAHIGAYON SA BARANGAY DIGKILAAN Dugang Blood Letting Activity ug Medical Mission ipahigayon karong adlaw’ng sabado petsa singko (5) ning bulan sa oktobre tuig dos mil triesi, didto sa may barangay digkilaan ning atong syudad. Mangulo sa maong kalihukan si Hon. City Mayor Celso Gomera Regencia ang amahan sa syudad sa iligan,Dondon Tecson kinsa maoy presedenti sa Save Iligan Movement People Againts Crime and Curruption kun SIMPACC, Atty. Leo Zaragosa, Dr. Bunz Lim, Arturo P. Calunod presendenti sa simpacc digkilaan chapter. Ang maong dakong kalihukan pagasalmutan sa mga nagpakabanang hut-ong sa katilingban sama sa Philippine Red Cross, Mindanao State University- Marawi Medical Students, Dr. Genevieve Amodia ug Dr. Belinda “Bunz” Lim. Pagasugdan ang among blood letting activity ug medical mission alas 9:00 ang takna sa buntag, Ubos kini sa tinguha sa kagamhanang lokal nga mahatagan ug maayong pagtagad ang panglawas sa matag lumulupyo sa atong pinalanggang dakbayan.-Eduardo A. Loyola. Approved for release: Jun Lino Bacus Incharged -CIO
Posted on: Thu, 03 Oct 2013 07:47:38 +0000
Trending Topics
Recently Viewed Topics
© 2015