SCIENTIST TEN A NGAIHNA HRELO : PATHIAN ROPUIZIA VANAH A LANG! (Nikum 2014 August thla a Scientist pakhat research paper tihchhuah behchhana ziah a ni a, technical term pehhel thei angber a ziah anih avangin chipchiarin kan tarlang vek lova kan hrethiam dawn nia). .......Arsi chanchin zirmi Steven W.Stahler-a chuan, “ Engvangin nge heng arsi bawr (sirukte awmna ) khi kum maktaduai engemawzat inphuarkhawm a an awm tawh tih hi scientist ten tun thlengin a chhan an la hre lova. Chhohreivung awmna arsi bawr khawmahte pawh khian inhiptawnna (gravity) nasa tak a awm rualin, inphel darhin zawi zawiin an darhsarh telh telh a, vanthengreng lam panin nasa takin an che mek a ni“ tiin a ziak. Biblein engtin nge a ziah ve le in en teh ang. JOBA 38:31 SIRUK KHI I PHUAR KHAWM THEIIN CHHOHREIVUNG TLAR KHI I PHEL DARH THEI EM NI? .......Kan hmuh ang hian Pathianin Joba chu kum 3500 vel liam tawhah khan he zawhna hi alo zawt daih tawh ! Joba hunlai khan tunlai angin thiamna te a la sang lova, arsi chanchin hrechiang tur pawhin an hmanraw neih khan a la pha lo hrim hrim a. A hunlai ngaihtuah chuan he zawhna hi zawhna mak lutuk a ni. Khawvel finna a sang zela, Bible hi Israel te History satliah mai a nilo tih an rawn hmuchhuak zel a. Lal Davida in Sam 8:3-4 a I van, i kutchhuakte, Thla leh arsi i ruathote khi, ka ngaihtuah chang hian, Mihring hi engemaw aniha i hriatreng thin ni? a lo ti pawh kha a awm hle a ni. .......He scientist hian a Research paper-ah mai nilo a homepage-ah thlengin tiang hian a ziak : Latest Question : The Pleiades is a group of over a thousand stars that has held together for 100,000,000 years. How did it come to be? (Siruk awmna arsi bawrkhawm te hi arsi sang chuang awmkhawm, kum 100,000,000 in phuarkhawm tawh te an ni . Engtin nge hei hi a nih theih?) .......He a research paper hi Journal lar leh upa tak “Scientist American” an tih Albert Einstein a pawhin a thil hriat leh hmuhchhuah te a lo ziah tawhna a tihchhuah a ni a. Tin, a ziaktu hi University of California (Berkeley) -a Scientist thawklai a ni bawk. Han belh lawk ila, he a thawhna University hi kum 1945 a America in Japan rama Atom Bomb rapthlaktak mai an thlak , kha Bomb siam chhuak thei tura Scientist Oppenheimer –a ho a Research an beihna hmunpuiber pakhat a ni bawk. .....NASA (USA) pawhin an website-ah Heng siruk te hi kum tamtak phuarkhawmin an lo awm tawh a ni tih an ziak ve bawk. (Heng a ziaktute , a ziahnate leh thawhnate hi kimchang deuha kan tihlan na chhan chu hetiang khawvel pumhuap thil hi Scientist ten an ti tih ringawt emaw , Wikipedia te leh mimal ngaihdan mai mai te a rintlak thin loh vangin ka han ziaklang nual a ni). .......Akim lovin kan hria a, a kimlovin kan au chhuah pui ve phawng phawng bawk a. Nimahsela, arsite piah vankhawpui mawi kan thlen hun chuan akimlo hi tihban a ni tawh ang (I Korinth 13: 9-10). Khai le, heng arsi te phuarkhawm a, pheldarh tu sawmna awnem hi chhang lo kan la awm chuan kan chhang ve dawn em le. Ka Fa duhtak, ........Nangchuan min hrelo maithei, keichuan puma pai inih hma pawh khan ka hre tawh che a (Jeremia 1:5). I ngaihtuah tinreng te hi ka hriain, i che vel zawng zawng ka thlir reng a. I kawng zawng zawng pawh ka hre vek a ni (Sam 139). ....... Tihpalh thila siam i ni lova, ka anpui ngeia siam i ni (Genesis 1:27). I taksa peng zawng zawng te pawh ka lehkhabuah ziak vek a ni a (Sam 139:16), I samzai lamin a zat ka hria asin (Mathaia 10 : 29). Khawvel eng hmutura i lo pian chhuah khan, a chhartu che pawh keimah ka ni a (Sam 71:6) .Ka ngaiha hlutak i ni a, ka ta i ni asin (Isaia 43:1& 4). ........Hmangaihtu nei ve lova inhriat changte i nei thin em? Anihlohleh khawvel mihring zingah tunge hmangaih ber che han ngaihtuah teh, Chu mi hmangaihna let tamtak chuan ka hmangaih che a (Rom 5:8). Hmangaihna tawp neilovin ka hmangaih che a ni (Johana 3:16). .......Tiau vaivut hi a zat chhiar tum teh le, a tamlam i chhiar thei em ? Chu aia tam chuan i tana tha tur ka ngaihtuah asin (Sam 139: 17-18). Malsawmnate hi ka hnen atanga i dawn a ni a (Jakoba 1:17). Engpawh min dil rawh, itana tha tur anih phawt chuan ka pe ang che (Mathaia 7:11,Rom 8:32). I mamawh te chu ka ngaihtuah zel bawk ang ( Philipi 4:19). .... ..Tuihal taka i awm a, khawvel tuikhur chawia i tlan khan i tuihal a reh em ? Tuihal lohna tuikhur neitu ka ni asin. (Johana 4:13-14). Lungawina zawngin i tlan thin ti raw? Lungawina kim ka ni asin (Phillipi 4:11). Beidawng leh lungngaiin i awm thin em ? Thlamuang takin ka awmtir ang che (Johana 14:27). Natna ten i chungah thlazarin i chau thin em ? Damnakim ka ni asin (Isaia 53:5). Engtik niah emaw chuan i mit ata mittui ka la hrukfai sak dawn che a ni.(Thupuan 21:4) .........Engtiang pawhin lo awmtawh mahla, ka hnen i rawn pan phawt chuan ka hnawtchhuak tawp lovang che ( Johana 6 : 37). Tichuan ka hmangaihna ata hi engmahin a then thei lo vang che (Rom 8:35-39). Tihtakzeta min zawn chuan min hmu ang (Deuteronomy 4:29). Ka lo nghak reng che.(II Petera 3:9) I Pa Lei leh Van siamtu (Genesis 1:1)...mi ta ka paste chon a nia...a ropui em a...ka ti ve top mae..
Posted on: Fri, 16 Jan 2015 16:34:36 +0000
Trending Topics
Recently Viewed Topics
© 2015