. SHIMLA below are the EXCERPTS OF QUESTION-ANSWER 🔹Q1.BABAJEE, guru ki najdeeki se abhaav kyon aa jata hai? A:Bibi, aap guru kehte kisko ho? yadi shareer ko kehte ho to uska apna dayra hota hai, najdeek ya door hone se koi fark nahi padta. mere pareevar walon ko bhi utni hi pareshani aati hai jitni aapko. najdeek aur door se koi fark nahi hota. 🔹Q2.BABAJEE, mujhe satsang aur sewa mein aane nahi dete,mera dil bahut karta hai. mujhe aana chahiye ya nahi? A:Bibi, asli sewa to bhajan-simran hai. bahari sewa to 1 jariya hai. apne ghar ki jimmedari nibhani hai par dono mein balance rakhna hai. 🔹Q3.BABAJEE, mein beas bhi sewa karta hoon aur yahan bhi karta hoon, simran bhi karta hoon par mann mein bure khayal aate hain. A:Bhai sahab, bure khayal se 5-7 min ke liye khushi milti hai par sari umar guilt raha. karm bana liya par kamaya kya? agar main 10-15 din ki mauj maar li par sari umar ka pachtawa raha to kamaya kya? 🔹Q4.BABAJEE, kehte hain agar kisi ko kuch bata do to daya mehar khatam ho jati hai. ab main question poochun to aap daya-mehar wapis to nahi le loge? ab main poochun ya na poochun? A:Beta agar jyada hai to chithi dal ke pooch lena agar general hai to pooch lo. 🔹Q5.BABAJEE, jab main satnam waheguru japti hoon to meri surat lag ke yahan(maathe ko haath laga ke)ujala ho jata hai fir main oopar ja kar ret ke maidan mein beth jati hoon fir ghabra jati hoon aage kuch nahi hota. A:Beta aap ne namdan liya hai? nahi, bibiji fir aapne dhyan nahi karna. 🔹Q6.BABAJEE, kya humein satsang ke samay simran karna chahiye? A:Beta, hum ulta karte hain, jab naukari par jate hain to ghar ka dhyan karte hain aur jab ghar hote hain to naukari ke baare mein sochte hain. mere kehne ka ye matlab nahi lena ki simran nahi karna.satsang ke samay agar karna chahte ho badi khushi se kar sakte ho. har cheej ka samay hota hai, satsang time satsang suno, simran time simran karo. 🔹Q7.BABAJEE, mere se galti ho gayi maine kisi ko simra(naam) bata diya hai.aap mere se baksheesh wapis to nahi le loge? A:Bibi,aapne nahi batane the.agar maalik 1 bar jo cheej de deta hai, wapis nahi leta. 🔹Q8.BABAJEE,maine usse 4 naam pooche the, fir bataye the. A:Beta aage se nahi batana,agar kisi ko poochna hai to dere se ya uske secretary se pooche. 🔹Q9.BABAJEE humein satsang share karna chahiye ya nahi? A:Bhai sahab jaroor batana chahiye par yaad kisko rehta hai? uth kar bahar tak nahi jate ye bhi pata nahi hota vani ka shabad kaun sa liya hai. asgar yad rehta hai to jaroor batao. ruhaniyat ki baat hajam karo aur satsang ko share karo. 🔹Q10.BABAJEE,mujhe dhyan karte samay aansoo bahut nikalte hain aur main badi disturb hoti hoon. A:Bibi,saare taraste hain ki baksheesh ho. agar aapko baksheesh mili hai to aap keh rahe ho wapis le lo. beta ahi baat hai uski yaad mein aansoo nikalne chahiye. 🔹Q11.BABAJEE, main 6-8 ghante gair-satsangi mein rehti hoon fir simran ka mahol kaise banega? A:Bilkul galat! aaj ke baad mere sath gair-satsangi ki baat mat karna. main majhab khatam karne ki koshish kar raha hoon aur aap naya majhab bana rahe ho. satsangi aur gair satsangi aap is tarah kaise keh sakte ho? sab jeev malik ke banaye hue hain. aap apni jagah theek ho wo apni jagah. 🔹Q12.BABAJEE, ghar mein bacche bahut shararatein karte hain. A:Beta, agar bache ab masti nahi karenge to kab karenge?agar wo shararat nahi karenge to aap kahoge ki kya ho gaya hai.agar bade hokar karenge, aap se sambhale nahi jayenge. 🔹Q13.BABAJEE, daya karo. A:Abhi kami hai? unhone to bahut daya kar di ab aap apne oopar thodi daya karo. 🔹Q14.BABAJEE,mujhe 3 mahine ho gaye naamdan liye,meri surat yahan tak pahunch jati hai aage nahi jati. A:Beta parakh nahi karni.aapne mann mein nahi lana. Beta, 1 balloon dhage se bandha hota hai,jab dhaga tod do to veh apne aap oopar udd jata hai.aap surat ko dheela chod do veh apne aap oopar badh jayegi.relax hokar simran karo. 🔹Q15.BABAJEE,mann nahi lagta kirpa karo. A:Jo pehle hui hai use to sambhal lo. 🔹Q16.BABAJEE,mera duniya mein koi nahi hai, main bahut dukhi hoon. A:Beta! jiska koi nahi hota uska malik hota hai.aur to chodo apne bache bhi sath nahi dete. 🔹Q17.BABAJEE,main simran karta hoon par mera dhyan nahi lagta. A:Beta aap simran hi kar sakte ho. hilte hue pani mein shakal nahi dekh sakte. simran se ekagrata aayegi,ekagrata se dhyan aayega.dhyan tum jabardasti nahi la sakte apne aap aayega. 🔹Q18.BABAJEE, maine HUZUR se nam liya hai,maine aapka dhyan karna hai ya unka? A:Beta maine pehle bhi vinti ki hai apne simran karna hai dhyan apne aap chahe main aaon ya wo aaye. 🔹Q19.BABAJEE, apne kaha hai simran nahi karna. kya hun radhasoami ka simran bhi nahi kar sakte? A:Beta jab tak nam nahi milta, aapne simran nahi karna.agar aap radhasoami ka simran karoge to aapko adat pad jayegi, fir jab apko 5 shabad ka nam milega, to apko problem ayegi. Q20.BABAJEE, baksh lo. A:Beta, samne khade hokar kahoge baksh lo to isse kuch nahi hona.kshama bhi tumhare ander hai aur saja bhi. karni karo. 🔹Q21.BABAJEE, aap kehte ho ruhaniyat mein umar nahi dekhi jaati. A:Beta, har cheej ka samay hota hai.agar bache ko heera de do to weh uski kadar nahi karta, wahi heera kisi bade ko de do, weh dag nahi lagne dega.jab waqt ayega,simran bhi mil jayega. Q22.BABAJEE, 20 saal ho gaye namdan liye simran nahi banta. A:Bibi fir kya karein? 🔹Q23.BABAJEE daya karo. A:Maine nahi karni,main bahut kanjoos hoon.1 baar kisi ne HUZUR maharaji se question kiya ki maine sawan singh maharaji se nam liya hai,mere oopar daya karo.unhone jawab diya jab unki daya khatam ho jayegi,tab mere pas aa jana. 🔹Q24.BABAJEE, jab main simran karti hoon,adha hissa sunn ho jata hai surat oopar badh jati hai to main ghabra jati hoon. A:Bibi, jism ki problem hai? Haan ji! Bibi, jism ke rogon ka simran se koi talluk nahi hai.jism ka talluk jism se hai,simran ka simran se.bhajan simran karne se koi mara hai?AGAR MAR JAYE TO ISSE ACHI MAUT KOI NAHI.GHABRANA NAHI CHAHIYE. 🔹Q25.BABAJEE,aapne pichle satsang mein bataya tha aajadi aur gulami,iska fark batao. A:Beta aapko kya lagta hai hum aajad hain?jab apni marji se kuch kar hi nahi sakte to hum gulam hi hain.koi desh ke liye kuch kar raha hai,koi bachon ke liye.hum to gadhe to tarah bojh se lade hue hain. 🔹Q26.BABAJEE, sapne ko kis tarah samajhna chahiye? A:Sapne to sapne hote hain agar ache sapne aate hain to enjoy karo,agar bure aate hain to use bhool jao. 🔹Q27.BABAJEE,mujhe pehle to aapke darshan hote the ab nahi hote. A:Beta main tumhare saamne baitha hoon.agar tum apna muh doosri taraf mod lo to mera kya kusoor hai?main to waheen baitha hoon tumne hi muh doosri taraf kar liya hai. 🔹Q28.BABAJEE, duniya ke kaante bahut chubhte hain. A:Bhai sahab, bade maharaji farmaya karte the duniya ke kaante khatam nahi hone,apne peiron mein chappal pehan lo. 🔹Q29.Radhasoami dad!Dad,jab hum koi galti karte hain to kiase pata lagta hai hum to har step par galti karte hain.kaise pata lage ki hum galti kar rahe hain? A:Beta insan galtiyon ka putla hai,jub hum galti karte hain humein khud ko pata chalta hai hum galti kar rahe hain.yeh kaise ho sakta hai ki hum galti karein aur humein pata na chale? 🔹Q30.BABAJEE, kabhi to lagta hai ki aap naraj ho. A:Yeh to apni-2 soch par depend karta hai.agar hum simran karte hain to babajee kush lagte hain agar hum nahi karte to lagta hai naraj hain. 🔹Q31.BABAJEE,apni sangat ko samjhao ye satsang nahi sunti,amal nahi karti. A:Beta hum apne aap ko sudhar sakte hai doosron ko nahi.humein apne aap ko acha banana hai. 🔹Q32.BABAJEE, kal mujhe neeche kheechta hai aur dayal oopar jane nahi deta(to babajee ne kaha aap galat keh rahe ho, shabad neeche nahi aane deta). A:Beta aap galat keh rahe ho.kal aur dayal ki barabar ki takat hai.bada kaun hai kal ya dayal? kal ko to humne hauaa(scare crow) bana rakha hai,wah to apni duty kar raha hai.wah to 1 judge ki tarah hai,humare karmon ke hisab se humein saja deta hai,wah to malik ka hukum manta hai. 🔹Q33.BABAJEE, dhyan nahi lagta. A: Maine lagana bhi nahi hai. Radhasoami ji
Posted on: Fri, 13 Jun 2014 10:12:36 +0000
Trending Topics
Recently Viewed Topics
© 2015