SHISHAVAA-KWAGHYAN U AYANGE AYANGE TOMANYIIN OCTOBER 24 BIBILO I ORON: 2 KRONIKU 32:31 AONDO MAA UNDU UN “…Aondo maa undu un sha u karen un, sha u Una fa kwagh u a lu a mi ken ishima cii yo.” Ivur 31 Ashighe kpishi Aôndo ka una undu or yo nan yem henen er shin ka mtsaha je Ter A ne nan ye. Kwagh lun nahan hanma shighe ga. A-aven agen kpishi Aôndo ka a undu se sha u una fa kwagh u se lu a mi ken ishima yô. Ior kpishi mba civir Aôndo ka sha ciu Ter A er ve ve tem i doo ve yô, shighe u hagheraa una va nyôr je vea kera ker u eren Ter tom ga. Ka nahan icingen Ter ka A undu se tswen sha u karen se. Se umbur kwagh u Yobu yange Aôndo undu un tswen Satan nzughul a na kpishi kpa Yobu gema ga. Yobu tese er ka sha ciu igyar I Aôndo A we un la un lu civir un ga kpa ka sha ciu Aôndo doo un ishima nahan ken hanma mlu cii kpaa una pav a Aôndo ga. Yesu iyol Na kpa nyôr sha iaven i Aôndo undu un tswen je pine er Aôndo wam Aôndo wam ka nyi u undumu? Kpa Yesu gema kwagh ugen ga. Mlu u ican u u va nyer kimi ne Aondo undu u tswen sha u una fa kwagh u a lu u ken ishima yo. De gbe num a na ga shi de yen ishima ga kpa tese ken uma wou wer ken hanma mlu cii kpaa Aondo doo u ishima.
Posted on: Thu, 24 Oct 2013 02:55:25 +0000
Trending Topics
Recently Viewed Topics
© 2015