SOKE SIBONE 13. Uhleli ngaphansi kwesihlahla uKhumalo uzibazela umpini wakhe wepiki kwazise lelanga alitshi nje liphosa inkomo emithunzini ukuze zentshise kuhle.Eyenhlazi eziphuma emanzini ngeke sisayiphatha ngoba nxaliphosa inkomo emithunzini kutsho ukuthi inhlazi ziyavuthwa emanzini.Isandla sikaKhumalo siyehla siyenyuka sibambe isancele umuntu lendlala akayizwa.Kunjalo nje ingqondo ayikho ekubazeni uyazibuza ukuthi ngoba insuku zisanda ingabe uMaMkandla uyanqoba noma uyanqotshwa phela okuNomqhele ngumqhuqhumba indumba engavuthwayo.Esacabanga kanjalo ethuswe yizwi likaMaMkandla aze aphose azigece ngesancele.Utshonile baba? Utsho esendlala izambiya yakhe uMaKhabo.Hawu NaNoe uphose wangibulala ngovalo.Hehehe namuhla kuhlalwa kuzitenjeni izikhumba ziyephi? Ubuza ehlayaza uMntungwa.Xola Ndlangamandla bengingaqondanga ukukwethusa.Zikhona izikhumba ngivilaphe ukudlula emkulwini ngasengithi angizihlalele kiyo izambiya. Utsho edobha ixolo uMaMkandla ebhalabhala phansi asazike wayebhalani. Kutsho namuhla belifuna ukuqeda insimu lomntanakho. Kuphi lawe baba.Besesizixoxela loMqhele uyazi lawe izindaba azipheli kuphela sona isikhathi. Kanje vele lina abafazi likuthanda kabi ukulandisa yikho kwazekwabambelela omukayo yazeyamthola indoda. Qede bafazinsini bubili babo.Kodwa Khuya uzayekanini ukungibulalisa ngembambo? Aah Khabo sufuna ukuhlekiswa ngubani kufanele phela izihlathi zihlale zivakatshela indlebe. Umuntu engaphika ngaweMabhena ngeke ayitsho indaba ozengayo kuwe. Lwamuthi thaphuthaphu uvalo uKhumalo wangumvundla ebona izinja.Khuluma ke mama.Mina ngithi uzongichitha isizungu. Hatshi baba bengingancendisa uMqhele ukupheka ukuze kudliwe masinya pho loludaba luqakathekile. Wehlisa iphika uKhumalo engazi zindaba ezimnandi noma ezibuhlungu.Ngilalele mamakhe. Sengikhulumile layo indodakazi yakho ngendaba kaNyathi.Ungiphile impendulo. Hawu nanina walokhe uzilingana lomgqomo angathi yintombi iqonyiswa nje.Hlala odabeni sthandwa sami. Uthe izifiso zethu njengabazali ziyamthokozisa.Uzoyakwenda koNyathi. Uthini nanina? Hehe uvumile uNomqhele? Hehehe uNkulunkulu akapheli ezandleni. Wahle walahla lesancele ngenxayenjabulo. Yebo uvumile baba.Ingqobe sezisele kithi. Singabe sisaphozisa amaseko akabizwe uNyathi ihlafunwe indaba iphele. Watsho ekhangela inkombalanga yakhe uKhumalo.Waqhubeka wathi Kuhle ngoba okuAndile sekuzabuya esikolo kuzahle kudlulele koNyathi. Baqhubeka bencokola uKhumalo lezakhe ezithonta ibholinja kwelabafana.Bathi sebengathi sebekhathala ukuxoxa uMaMkandla esathi uyasukuma ukuthi ayobheka ukuthi kanti akuvuthwa kulani sengathi kuphekwa isiphaqa senyathi.Wabe esefikile uNomqhele esiza lenditshi kayise yokugeza izandla.Wafika waguqa ngawo womabili amadolo wabeka inditshi eceleni kukayise.Hambisa edale Mqhele lapha kungcolile ngibazela khona. Kutsho uKhumalo.Asukume lenditshi yakhe uNomqhele aqonde edale.Kanjalo lonina asukume aqonde emkulwini ukuyathatha izitsha zikaKhumalo kwazise uMaMkandla wayengathandi ukuthi abantwabakhe kube yibo abapha umyeni wakhe ukudla. Bathi sebedlile sebeqoqa izitsha wangena umahlakanipheni intethe yebusika enguNonhlanhla.Litshonile kubingelela abazali bakho kutshaya idolo phansi okunguNonhlanhla.Yebo Ndie.Udle masinya uze lapha ngikuthume mtanami. Utsho ekuphulula ikhanda uKhumalo.Kulungile baba. Kwahle kwathi lothu kwaqonda exhibeni labo ukuyakhipha impahla zesikolo.Wayesekhulile laye uAndile esekugwalo Lwesine emfundweni ephezulu.Uphathiswa okweqanda nje ngoba licinathunjana.Langempela aqede ukudla amthume uyise koNyathi.Wathathela ngejubane ejahe ukuzobhala umsebenzi wangekhaya kwazise uthanda ukubhala nxa eqeda ukudla ukuze ntambama ebale kuhle.Wathola uNyathi eselungiselela ukuphuma phela sebamngena utshwala ubesefuna ukuyabuthela.Uthe esizwa umkhosi wahle wabambisana loNonhlanhla indlela kathandanga ukuphozisa amaseko.EKhumalo,Mntungwa,mbulazi omnyama,Ndlangamandla,Mabhena,Khuya,Ngangezwe wena owadla,umuntu wamyenga ngendaba,Wena owala ukudla umlenze koBulawayo wathi ungowayiphi inkomo kungeyona eyakithi eNgome... Kukhuleka uNyathi engena koKhumalo. Good afternoon.Nixole ngokuza late eish iphone yami ingipeyita ngimile ngimfunga ubaba.Love you so very much w all my heart and love.#Nxasto.
Posted on: Tue, 07 Oct 2014 13:19:07 +0000
Trending Topics
Recently Viewed Topics
© 2015