SOLAMENTE PER QUATTRO RISATE LETTERA DI UNA MADRE ESULE, A TRIESTE, AL FIGLIO RIMASTO A MONTONA Bambin mio di mame, ti scrivo cusì ti sa che ti gò scrito, se ti riva la letera vuol dire che la xè rivada, se no la xè rivada scrivime, cusì ti scrivo di novo (stago atenta a scriver pian perchè so che ti no ti sa leger svelto) Qua a Trieste no xè malamente, Trieste xè un poco più grande di Buje e gnanca el tempo xè malamente; setimana pasada gà piovesto solo duve volte, la prima voltà tre giorni e la seconda quatro. Papà gà trovado lavor importante in Camùn. Xè sentado in portineria e devi dimandarghe a duti: “” chi ti zerchi?? Cosa ti serve?? “” e devi risponder duto a mente: “” stancija 44 terzo piano a destra ore 8-10; stancija 87 secondo piano a sinistra ore 9-12; el signor Asesor torna domani “” e cossì avanti duto il giorno, ma xè lavor asai stancante di testa, cussì gà dimandato di far custode di note cussì pol dormir in pase. EL quartier che i ne gà dato xe moderno, ga anca el sanzor che ne servi tanto per portar su il ludame che tignimo in cantina, ma no so se duto funziona ben; per esempio il tilefono xè subito sula porta, ma no gà el tondo sbusado cui numeri; ala mattina verso le dieci mi telefona sinior Postin, mi rispondo “” son mi, Maria di Montona “” ma nol vol mar parlar……. Ogni tanto mi telefona anca la siniora Pubblicità, ma manco ela vol parlar con mi, ma alora cossa i mi telefona!! La cusina xè bela granda, con duti i lektro-dimestichi; spargher però no funziona ben perché gò meso dentro i legni e gò impizado, però fora dei buseti disora no xè vignudo fora il fogo e anzi si ga scorzado duto el smalto e xè s’ciopado il vetro dela portela. Xè anche macchina lavastoviglie che no ne servi perché doparemo giornal vecio che dura a bastanza giorni. Frigo-fero funziona inveze ben, gavemo meso drento patate, nosele, panocie, lu struto e la patina di scarpe. Di sotto xè una bela vascheta comoda che papà tien drento scarpe e calze doperade perché povero ti si ricordi anca ti che el gà sempre forte odor di piedi. Càmara di dormir xe granda, gavemo za meso i ciodi sul muro per la corda di sugar; la gà un bel pergolo, ma papà dovarà meter la rede sopra il pasaman perché xè zà svolade via quattro galline. Bagno gà sul muro matonele coi fioreti, però sentàl dove si fa bisogni no xè comodo; no ga tavoleta per sentarse e gà un spruzo (comodo perché no cori doprar carta) ma no il buso; così i bisogni ghe vol ingrumarli, meterli in una borsa e dopo sul pianerotolo, sinò in casa spuza. Lavatrice no funziona ben, gò meso drento mudande e straze di naso, gò sarà il covercio e strucado il boton, dopo che xè finido il rumor di l’acua era sparido duto e no so quando torna indrio la roba; sule istruzioni xè scrito “in due ore la biancheria tornerà pulita”, ma xè pasado un giorno. No capiso ben un mobile di ferro bianco pien di botoni coloradi di duti i colori, con finestra tonda di vetro davanti… mi calcolo che xè per cusinar le panoce; gò provado e le vien fora cusinate e sute, solo che in ultimo fa un rumor di Demonio, el mobile camina per il bagno e spandi par tera duta acua da tubo di goma. La vasca inveze bela e granda, no come quvela sbusada co le gambe che gavevimo in orto a Montona; gavemo meso drento di ela, tera e ludame e fato una vaneza di radicio e di pomodori che i vien sai boni. Le finestre gà scuri di legno lunghi e sotili e duti tacadi uno sora laltro ma no rivo a verzerli né per didentro né per difora perché no i gà gnanca maniza per verzerli, cusì papà gà dovesto romper un pochi per finestra per aver un poca di luce e no dover tignir impizado lume a petrolio duto il giorno. La cantina no xè picia però la xè “” in comun “” (no capisso cossa vol dire perché la xè in casa, no dove lavora tuvo papà), e rivemo a tignir il ludame e anche il porco e duve dindij. Squasi ogni giorno trovemo scrito su porta un bilieto di carta “” famiglia Neanderthal, torna nell’antro dove abitavi prima!! “”. Ma Triestini xè per vero asai inioranti che i sbalia porta: noi semo famiglia Sloboncich, no Neanderthal, e noi bitavimo in Montona, no in Antro (che non so dove che xè, no credo manco che sia in Istria). Per el resto duto ben che altrettanto spero di ti, se ti vedi tuva sorela saludemela di parte mia, si no ti la vedi no dirghe gnente. La tuva mama che ti vol tanto ben, così lontan che ti son de mi. Volevo mandarte un pochi de soldini, ma gavevo za licado e incolado la busta.
Posted on: Mon, 24 Jun 2013 18:03:24 +0000
Trending Topics
Recently Viewed Topics
© 2015