STRIKER MAKSAK DI NATALE Football khawvel hmunpui Europe League lian deuhva Striker tam zawk te hi chu kum 30 an tlin hi chuan an vanglai a pel tan niin a ngaih theih a,mahse Italian Striker mak danglam tak mai Antonio Di Natale hi chu Kum 30 a hawlh chhoh atang a vanglai a hmang tak tak tan chauh emaw tih mai turin senior hnu lamah a chetha chhoh viau a ni. Di Natale hi Club hrang hranga a pem kual duah hnuah 2004 khan Empoli atangin Udinese hi a zawm a,inelna hrang hrang tum 401 hmachhawnin Goal 217 a khung tawh a ni.2010 leh 2011 Serie A top scorer a lo ni tawh a,season thum a zawnin Serie A Team of The Season-ah a lo tel ve tawh bawk a ni. Di Natale hian Italy tan match 42 khelin Goal 11 a thun tawh a,Euro 2008 leh 2012 bakah FIFA WC 2010 a khel bawk a ni. Sawi tak ang khian Striker mai bakah Player tam zawk hi chu kum 30 ral an kai hian an hlutna a hniamin chuai lam an pan tan deuh nia ngaih a ni thin a,Di Natale erawh kum 30 chuang a nihin a tha tak tak tan chauh emaw tih mai turin Football khawvela tharum hman tamna pawl Serie A -a Goal khung tluang thei pawl tak a ni phak a ni. A kum tam hnua a Record (All competition): Club - Udinese *1999-2010 ( kum 32) 38 Apps 29 Goals *2010-2011 (kum 33) 37 Apps 28 Goals *2011-2012 (kum 34) 43 Apps 29 Goals *2012-2013 (kum 35) 42 Apps 26 Goals *2013-2014 (kum 36) 38 Apps 20 Goals *2014-2015 (kum 37) 15 Apps 12 Goals Inkhelh chawlhsan a tum ren rawn hnuah Season hmasa tawp khan Chinese Club tha Guangzhou Evergrande chuan kum khata € 10 M hlawh tura lakluh tum mahse sum tam tak hnawlin Udinese tana khelh chhunzawm zel a thlang ta zawk a ni. Di Natale hi Serie A bika Goal khung tam 10 zingah a la lang phak reng a,tun season (2014-2015) kal mekah hian Goal 12 lai a thun leh tawh a.Tun Season bak a khel tawh lo a nih pawn a record mak danglam tak hi chuan sawi zui a hlawh hle dawn niin a lang.
Posted on: Wed, 24 Dec 2014 03:31:09 +0000
Trending Topics
Recently Viewed Topics
© 2015