SUMO CHESUAL Dec 29, 2014: Vawiin, ni 29.12.2014 (Thawhtanni) chawhma dar 9:45 vel khan Hnahlan atanga Champhai pana tlan passenger phur, Sumo MZ 04-5754 (Chhan Him), Pu C. Lianhmingthanga, Champhai Kanan Veng motor chu Bawngkawn Veng, Ngur khua-ah a Brake a Fail a, Pu Lalthangkima in a su. He vanduaina thlenlai hian Pu Thangkima nupui Lalzuii hi an choka-ah awmin sumo hian an choka lam hi a rawn sutlang a, inchhunga awm, Pi Zuii chu a hnawlin, an kawmthlang lam, meter 70 bawr vel thleng a hnawl thla a, hliam na tak a tuar. Tin, an fanu upa zawk pawhin a keah hliam a tuar bawk. Pu Thangkima leh an fanu naupang zawk hi vanneihthlak takin an him hlauh a ni. Tin, Sumo-a chuang ), Pi Lalrinkimi leh a driver Chhingkhuma Hnahlan khua ve ve te chuan hliam an tuar bawk a, midang hliam tenau deuh tuar te pawh an awm bawk. Hliam te hi Champhai civil hospital panpui nghal an ni. Motor-a chuang te hi driver nen mi sawm an ni a, Hnahlan khua vek an ni bawk. Motora chuang te chu- 1) C. Sangliankhuma 2) Lalrinkimi 3) Japhet Lalrochanhlua 4) Chhingkhuma (Driver) 5) Rosailoi 6) Kamlianzira 7) Hmangaihdawnga 8) Vanlalmawii 9) Ramchuani 10) Vanlaleni te an ni. (Source: Sangtea Fanai @ Champhai Blog)
Posted on: Mon, 29 Dec 2014 12:28:09 +0000
Trending Topics
Recently Viewed Topics
© 2015