Sabi ko dun sa interview ko dati, “I prefer smart work rather than hardwork". O di ba, ang gandang pakinggan, english kase. Pero sa tagalog, ang tunay na ibig sabihin niyan ay, “Gusto ko po nakaupo lang ako, ayokong gumawa ng kahit ano. Ayokong pawisan dahil hindi long lasting ang deodorant ko. Gusto ko sa aircon. Gusto ko ako yung boss. Gusto ko taga utos lang ako." Kung bibilangin mo yung mga sandaling masipag ako, siguro yun ay yung mga panahong ang sipag sipag kong maging tamad. Kung buhay pa siguro si Steve Jobs, malamang kukunin niya ako sa kompanya niya. Sabi niya kase, mas gusto daw niya yung mga taong tamad dahil kaya nilang umisip ng paraan kung paano mapapadali ang isang mahirap at komplikadong bagay. Pero siyempre, english yung pagkakasabi niya, tinatamad lang akong itranslate. Yan yung favorite quote ko eh, napakainspirational. Yang si Alexander Grahambell na yan, tamad yan. Inimbento niya ang telepono dahil ayaw niyang magsulat ng love letter sa gf niya. Para SOP na lang sila palagi tuwing gabi, ganyan. Pero buti na lang at hindi sila tamad mag isip. Mas malala naman yung tamad ka na nga, ayaw pa paganahin ang utak. Basta ako, ayoko talagang maghugas ng pinggan kahit may Vitamin E pa yung Joy namin. Kaya nga gusto ko ng mag asawa. Pero tinatamad na din ako. Ayoko na kasing magmahal. :3 Ang kinasisipagan ko lang talaga ay yung magkulong sa kwarto tapos ano.. tapos.. uh. hihi. - Master Edelito
Posted on: Mon, 12 Aug 2013 09:07:15 +0000
Trending Topics
Recently Viewed Topics
© 2015