Sapele Glory Must Be Restored! Date: Thursday 17th 2014. WHY YOU NOR DE SCHOOL? Na when Iron de hot, nai dem de bendam, no matter how palm tree tall reach, when breeze blow e must bend, no matter how shoe cost reach person nor de wear am for head, no matter how goat eye red reach, e nor de find food enter lions den, I never see were craze man hold transformer once, no matter how mad man harch reach wen e see Army Uniform e brain de normal for a while. This matter when I wan put mouth so I know say e go ves many people people but all the same I don find out say The secret of success de very many, but the secret of failure na wen man wan try to please every body. Me I nor wan fail, so I choose not to satisfy any body. Many young promising youths today nor gree appreciate the need for school. In as much as we take get many successful people when nor go school na so we take get many successful people when go school. But if you take closer look at the top men them when we de hear their name for this our Nigeria today we go find out say majority of them nor get sound foundational education but when them begin climb the ladder of success them con find out say without education other people wen de educated go play a fast one on dem. Because of this limitation dem con finally appreciate the need for education and finally follow up. The reason for that above illustration be say I don see many see many youths with high prolific mental intellegence and sound intellectual qoutent when suppose to de for school but them nor gree appreciate the need of education. I understand the reason say some one go school but them nor get helper, but another set de when get the cap to go school but them nor gree go the school. My Sapele young boys and girls make una help una self and family. Most of una when don experience the pains of Polygamous home go attest to the fact say for Polygamous family na OYO (On Your Own). IF YOU NOR GO SCHOOL: 1. You nor go fit read and you nor go fit write. 2. If you nor go school where your age mate for de talk you nor go fit talk. 3. If You nor go school people when go school go de trample on you. 4. If you nor go school you nor go fit sign or write your name for bank. 5. You go sell your vote for N100. Many peole today because of say them nor fit sign na finger print nai them de use, the matter be say nor be finger print be your name, but because you nor gree go school you turn your name to tomb print. No body to sponsor your education work save money make you do partime. How long you go continue to do kppon kpon work. How long you wan de worry your mama and papa make them give you money to take barb hair, make hair, by cream and clothes. The work wen you de do so if you do the work for the next 15 years how much you fit gather inside. Why you nor just throway any thing when go hinder you, dam the consequences and go through the price. When you visit some kind office for this country, you go marvel, you go see small boys and small girls de order matured man and women any how just because say dem get better educational qualification. Sapele People How Long Una Wan Sidown for The Stole of Waste. Make una stand up aright and braze up to the current issue on ground. OK, WHY YOU NOR DE SCHOOL?
Posted on: Thu, 17 Jul 2014 13:25:21 +0000
Trending Topics
Recently Viewed Topics
© 2015