Saphai Thah Vanga Man Aibawk Forest Range Officer, Pu K. Sangliana chuan Falkawna Pu Lalramliana chu Saphai a thah avangin a man a, court-a hruai a nih hnuah Pu Lalramliana hi July 17, 2014 khan Central Jail-ah dah a ni. Environment & Forest Deptt. thuchhuah tarlan danin, Pu Lalramliana hian tun thla ni 16, Nilaini khan Darkhuang luiah Saphai, fit 13-a sei thatin, an khuaah a hawn a, bazar-ah mipui hmuh theihin a dah a, hei hi hriain Aibawk Range officer, Pu K. Sangliana chuan Saphai thattu hi Wildlife Protection Act, 1972, section 51-na tlawh chhanin a man a ni. He Saphai sa hi niminpiah khan Aizawla Wildlife Division Office kawtah hal ral a ni.
Posted on: Sat, 19 Jul 2014 09:49:05 +0000