Selekshon Little League Liga Pariba 2001 tabata promé kampion di Karibe ku a bai Williamsport Despues ku Kòrsou a sali sup-kampion aña 2000 di kampionato Latino Americano na Colombia, Little League Williamsport a disidí di parti Latino Americano den dos, area Karibe i area Latino Americano. Kòrsou, Aruba, Boneiru Sint Maarten Republica Dominicana, Puerto Rico ets a kai den e area di Karibe, mientras Venezuela, Colombia Panama, Guatemala ets a keda den e area di Latino America. Na 2001 Selekshon di Liga Pariba a bira kampion. Despues Pariba a bira kampion atrobe na 2002. Pabou a bira kampion for di 2003 te ku 2009. Na 2010 e racha di bai Williamsport 9 biaha sigi a terminá. 2001 Selekshon di Liga Pariba a gana Pabou den dos wega. E promé wega nan a gana 2-0 i wega number 2 a kaba 1-0. Te tempu ei no tabatin Liga Willemstad. Selekshon di Pariba tabatin komo manager Mark ‘Gordo’ Van Zanten. Coachnan tabata Gerswin Meyer i Lando Chirino. Hungadónan di e selekshon aki tabata Neldrick Martis (tersera), Argenis Daal (segunda), Richandro Martis (shortstop), Lujario Gomez (segunda), Farley Daal (picher), Frensley Martina (rightfielder), Prinsonyor Paulina (kètcher), Michael Trinidad (picher), Rudson Pieter (centerfielder), Gilmar Elisabeth (picher), Dinyor Antonia (primera/outfielder), Arthur MacDonald (picher), Devin Lake (picher) i Eric Rafael (picher). Kòrsou a hunga den e pul huntu ku e siguiente paisnan: Puerto Rico, Sto. Domingo, Aruba i Virgin Islands. Wega no. 1 Kòrsou a gana Pto Rico 8 - 4. Wega no. 2 Kòrsou a bolbe gana Pto. Rico. Wega no. 3 Kòrsou a pèrdè kontra Aruba 3 - 0. Despues Kòrsou a gana St. Maarten 10-3, despues gana Sto. Domingo 3-2, gana Virgin Islands i bai hunga semi-final kontra Puerto Rico i gana nan. Final a bai entre Kòrsou i Aruba i Kòrsou a gana Aruba 3-1 i bira kampion!!! Na Williamsport e ekipo a sali di kwater di Mundu. Wega 1 (djasabra 18 di ougùstùs) Kòrsou (Karibe) 3 , Panama 2; Wega 2: (djadumingu 19 di oug.) Kòrsou (Karibe) 10, Arabia (Transatlantic) 3; Wega 3 (djamars 21 di oug.) Hapon 4, Kòrsou (Karibe) 2; Wega 4 (djaweps 23 di oug.) Kòrsou (Karibe) 4, Guam 3; Wega 5 (djasabra 25 di oug.) Kòrsou faltando 3 out pa bai final ta keda afó. Atsushi Mochizuki di Hapon ta dal su di 2 homerun den e World Series kontra Kòrsou saka Kòrsou afó. Wega 6 (djadumingu 26 di oug.) New York 9, Kòrsou 1. Ora e selekshon a regresá nan a risibí un resepshon total tantu na aeropuerto komo na Sedreko. By the way, Hapon a gana e final kontra Florida 2-1 i titulá kampion!. Pèrdí 1-0 den último inning nan ta nota 2 kareda pa laga Florida den tereno. By the way, varios di e hungadónan ei ta hungando Dòbel A i algun di nan nos no a tende mas di nan òf a stòp ku Beisbòl. Hopi di nan ta den Slowpitch ta lora tambe
Posted on: Sat, 22 Jun 2013 12:08:17 +0000
Recently Viewed Topics
© 2015