Si Partido Pueblo Soberano ta konsekuente, anto via di nan parlamentario Raveneau nan mester protestá enérgikamente kontra konmemorashon di 150 aña di emansipashon. Si Raveneau ta sigui mandamentu di biblia asina konsientemente, e mester ta kontra di libertat i fuerte sostenedor di sklabitut. Pasobra Biblia ta bisa: Efesio 6:5-8 6:5 Katibunan, obedesé boso doñonan terenal ku temor i temblando, ku sensiyes den boso kurason, meskos ku boso ta obedesé Kristu; 6:6 no sirbiendo pa bista, manera esnan ku ke agradá hende, sino manera katibu di Kristu, kumpliendo di boso kurason ku boluntat di Dios; 6:7 sirbiendo di bon boluntat, manera bo ta sirbiendo Señor i no hende, 6:8 sabiendo ku e bon ku kada ken hasi, ta yega na Dios, sea ku e ta katibu òf persona liber. Hopi pasashi bíbliko ta rekonosé, kontrolá i reglamentá práktika di sklabitut. Biblia ta pèrmití doño suta su katibunan severamente, te asta bati nan mata. Asta ta asina, ku si e katibu keda bibu mas ku 24 ora despues di a risibí e sota, i muri despues di esei, no por konsiderá ku e doño a kometé un krimen, pasobra bon konsiderá, e katibu tabata su propiedat. Apòstel Pablo tabatin tur oportunidat pa den su Epistelnan skirbi ku pa sklabisá hende –un persona komo propiedat di un otro – ta algu profúndamente perverso. Su karta pa Philemon lo tabata un okashon ideal pa mustra ku sklabitut ta malu. Pero e no a skirbi ni un palabra di krítika. Hesus por a kondená e práktika ei, pero no tin ningun indikashon ku nunka ela menshoná sikiera ún palabra kontra sklabitut. Ke men, Señora Raveneau i Pueblo Soberano, mi ta spera boso defensa di sklabitut i boso protesta konta tur loke tin di aber ku libertat di katibu!
Posted on: Thu, 26 Sep 2013 23:22:46 +0000
Trending Topics
Recently Viewed Topics
© 2015