So okit o Hidayat. (Script from the Book “Priceless Advice for All Workers of Deen” by Maulana Muhammad Sa’d Sahib) Mga kipagaadatan a mga pagari ami, mga lokus ami, mga ginawai ami! So Allah (SWT) na adun a sistema niyan ago impita. So okit okit o Hidayat o Allah na pumbaloyin niyan so pud a tao a khasabapan sa katorowa ko pud a mga tao, siran so mga tao a so kaoyagoyag iran na na makaphapasod siiko sogowan o Allah Ta’ala. Giyotoi sabap, a amay ka opama so gii kapaginuntao o mga tao a dii nggalubuk ko panagontaman ko Agama na masopak iran o di na di makaayon ko Agama o Allaho Ta’ala, na aya kamataani ron na masosopak tano so okit okit o Hidayat o Allaho Ta’ala ago aya tano pukhakudug a lalan, na so lalan a da baon inidiyandi o Allah a tabang o di na ba adun a ondasaniyan. Madakul a dii nggalubuk imanto ko Agama o Allah, na aya mazikao ron sa ginawa, na maito a pukhatoon a dii ran di inggolalan a giyangkai a mga (Sharaait) a inibugay o Allaho Ta’ala. Ogaid, na so Allah i di thakdir a nggolalan ko mga tao a kaphiliya niyan kiran a pakapunggalubukun niyan sii ko Agama Niyan. Giyotoi sabap, mga kipagaadatan a mga pagariya ami, phoon sa paganay, na titho titho a kinanglan rukutano, pudon so ginawa ko, a kasaboti tano sa giyangkai a Hadap. So siranoto a mapapadalum ko dii kanggalubuka ko Agama o Allaho Ta’ala na kinanglan a giyangkoto a kapakaayon o dii ran di kapaginuntao siiko mga sogowan o Allaho Ta’ala ago kinanglan a mapakabagur iyan so connection niyan siiko Allaho Ta’ala. Na nggolalan sii a kakhitompa o mga pud tao siiko Allaho Ta’ala. So Maulana Yusuf (Rahimahullah) na lalayon niyan gii tharoon: “So kaoyagoyag o mga tao a gii nggalubuk ko panagontaman ko agama na pobliko so gii ran kapaginuntao.” Giyotoi sabap, a ditano den bulagun so atastagongan/mga galubuk tano ko donya, siiko panagontaman tano sii ko Agama o Allaho Ta’ala, sa datar o dii tano ron katharowa, “ So business akun, so pamilya akun, ago so adat o di na olaola akun sii ko darpa akun na para bo sa ginawa ko. Aya bo a kitotompok akun ko Tabligh ago sii ko Agama na sii bo ko 40 days, 3 days, o di na sii ko apiya antonaa oras a pukhisunggay akun”. Ogaid na, kunaba giyanan mga pagari akun! Giyanan na titho dun a ribat a panarima. Anda dun i kapud ka sa giyangkai a galubuk ago panagontaman ko Torowan (Hidayat), na automatic dun a mimbaloy so giingka kapaginuntao a pobliko. Mimbaloy dun a kalilid, a pukhasabapan a kaphakataasar iyan ko mga tao ko mulilibuta rukutano, Ka sabap sa aya antap a giyangkai a galubuk na so kaadun sii ko mga Ummat o Agama o Allaho Ta’ala sii ko kiphaginuntao non o pithanggisaan. So Allah Ta’ala na tipungan iyan sa 30 barang so Ibrahim (Alayhi Salam) nago khatoon tano a giyangkanan a 30 a initupung ko Ibrahim siiko Qur’an. Na so kiyapaka-apas o Ibrahim (Alayhi Salam) sii ko pithimbarangan a initupungon o Allaho Ta’ala, na pitharo o Allaho Ta’ala: إِنِّي جَاعِلُكَ لِلنَّاسِ إِمَاماً Pitharo Iyan a: "Mataan! a Sakn na mbalowin Akn ska ko manga manosiya a khawnotan". (Surah Al-Baqarah: 124) Ogaid na imanto na, na so Imam imanto na ayabo a kababaloy niyan a Imam na giya di niyan di kapag-imami ko mga tao sii ko sambayang, oba di so Imam na aya kamataani ron na pug-imaman niyan so mga pagtao sii ko pithimbarang a shai/galubuk /awida akal mipantag ko Agama. Giyotoi sabap a kinanglan ko pithanggisaan so kapakabukunon o Agama a khasabapan sa so Allah Ta’ala a kabaloyan niyan non a Imam (Pukhaonotan) ago giya a kapakipunggalubukun niyan non ko Agama Niyan. So Maulana Yusuf (Rahimahollah) na lalayon niyan gii tharoon a so mga tao na kunaba kiran mapapayag so mga Sambayang tano, mga Tadun Tadum tano, so kapumbatiya tano sa Qur’an, so mga Tahajud tano, so kapunggoraok tano ko Allah ko oman kagagawii ago so mga pud a Ibadah tano. Giyangkanan a mga galubuk na aya bo a matao ron na so oripun ago so Allaho Ta’ala. Ogaid, na so mga tao na mapapayag kiran ago pukhasima iran so gii kandagang o mga WORKERS, so okit okit a gii ran kapakindola ko mga tao, go so adat ago so mga olaola iran. Giyotoi sabap, a aya pagampaganay a requirements na mbaloy so kaoyagoyag tano a makaphapasod siiko Shari’ah o Allaho Ta’ala. So kapunggonay ko mga panagontaman tano o sabaad na ikadowa badun anan. Tanodan! Kapunggonaan o sabaad so panagontaman tano amay ka so Paganay a requirement na minggolalan tano. Giyai so Makakalubi a okit okit o Allaho Ta’ala a piyanagombalay niyan sii ko Qur’an a kinanglan rukutano so lalayon tano ron kapaga-adimata.
Posted on: Tue, 27 Aug 2013 10:00:59 +0000
Trending Topics
Recently Viewed Topics
© 2015