Solusyon sa Plastic Waste ug Septage Disposal gitanyag sa mga Hapon (Cebu City, PIO) Gihangop ni Mayor Mike Rama ug sa Solid Waste Management Board (SWMB) ang tanyag nga proyektong mibalor og tresyentos-mil dolyares kun (dul-an trese-milyones pesos) sa Mansei Recycle System nga pagapundohan pinaagi sa grant gikan sa Japan International Cooperation Agreement kun (JICA). Gihulagway sa mga sakop sa SWMB nga dakong gasa kini sa kahitas-an alang sa dakbayan kun mapatuman kini nga proyekto nga gilaumang makahatag og kasulbaran sa remediation ug rehabilitasyon sa landfill nga walay gasto ang kagamhanan. Gipresentar sa taga Mansie ang resulta sa ilang gipahigayong feasibility study nga nagbutyag sa pagtaas sa bul-og sa mga basura nga wala gayud mapahimusli ang mga plastic waste niini alang sa recycling nga pwedeng maka income unta ang syudad. Gipasabot ni Yosu Yamagotse, consultant sa Mansei nga tinguha nilang matabangan ang syudad pinaagi sa pagtukod og intermediate treatment facility for waste plastic recycling sa landfill diin ang mga produkto niini mahimong mabaligya sa mga cement manufacturer arun gamitong sugnod sa ilang factory. Matabangan usab ang mga scavengers sa landfill nga makatrabaho sa maong facilidad nga mo empleyo og dul-an usa ka gatos nga mga trabahante ug maka hatag og continues capability building alang sa mga kawani sa DPS ug sa facilidad. Gitataw ni Yamagotse nga daghang mga kaayuhan ang mahatag niini sa dakbayan diin makadasig kini og recycling business ug makatabang sa pagpanalipud sa kalikupan. Ang operasyon sa Mansei sa landfill modangat lang og duha ka tuig diin ang maong 300-mil dolyares nga facilidad itugyan ngadto sa kagamhanan sa dakbayan kinsa mao nay manag-iya niini ug magdumala human sa matapos ang two-year project term. Samtang sa susamang kalambuan nauyonan usab ang proposal sa AMCON Inc. alang sa proyekto nga magbutang og septage management sa dakbayan nga mo proseso og mga hugaw sa taw nga gikan sa mga septic tank. Adunay kapabilidad ang ekipo nga moproseso kini og 10 cubic meter matag oras nga septic waste ug anha kini ibutang diha sa kasamtangang STP area kilid sa karaang nursery sa dakbayan diha sa North Reclamation area. (elite, PIO staff)
Posted on: Fri, 28 Jun 2013 01:52:23 +0000
Trending Topics
Recently Viewed Topics
© 2015