Sonus Cat 意見: 雖然《愛是神奇》入到個人十大，但: => Billy Ng Ka Ho 我唔介意發水，"Leni" Riefenstahl 的《意志的勝利》與《奧林匹亞》超級發水片 [Nazi原本個套野無內涵甚至有毒，但都吹到好似好吸引好吸引，仲唔係超級發水片......] => 《生命樹》的世界觀幾不足都好，但因為導演他化成問題，每個人就那些問題，可以想到比原本電影想帶出的更遠，所以我依然很讚賞那影片。去到《愛是神奇》，我反而覺得套戲[用神父把口]答得太多添...... => 如果《致我們終將逝去的青春》留下「我們應該慚愧，我們都愛自己勝過愛愛情」沒有脫角的鹿讓其逃命，《愛是神奇》就把這頭鹿脫角脫皮煲鹿尾巴拆骨....... 我在男主角/法國妹/金髮妹身上其實唔係好見到愛，反而只係激情，激情過後就思變 => 所以男主角放手比法國妹與女返法國，所以男主角遇上金髮妹就思遷，法國妹回美國，所以金髮妹頹曬同男主角分手，男主角再同法國妹一齊，已經不如初，製造樂器出於內疚多過愛..... 等等=> 當同《銹與骨》、《愛》對2人感情的描寫一比，我只可以講《愛是神奇》只是寫4個[第4個唔係神父，係個女，係個video chat 好似同阿媽感情好淡0甘]好聽D叫愛不夠，難聽D叫自私0既人的感情瓜葛。所以最後法國妹說為愛我們的愛，多謝 => 我覺得諷刺多過出到感謝效果。不過現實中真係好多這類視激情為愛的人，以及『愛』得0甘自私0既人，所以這電影好看。[雖然今次快槍手，有D位，例如: 男主角 同 金髮妹的感情開始，交代醫院遇到，以前原來就相識，完........真係寫得好求其] 所以， Mary Chan ，就算《致我們終將逝去的青春》完全放棄國情線，如果好好單寫「我們應該慚愧，我們都愛自己勝過愛愛情」，其實可以很好看。《致我們終將逝去的青春》處理國情 及 處理「愛自己勝過愛愛情」都不太好(Script其實OK，但導演就 =_=)。 =>《愛是神奇》寫信仰迷失，面對只求發展/增長的教會，快要burn out，「若將所有的周濟窮人，又舍己身叫人焚燒，卻沒有愛」的神父條線，其實幾好看，不過篇幅太短，有頗多時候要做導演發聲筒 [“You Shall Love” 個D]，結果自己條線到喉唔到肺。啊神父演技一向好就緊0架啦 => 《生命樹》仲可以靠定定地影住實力派 Jessica Chastain /3個細路 去交戲，今次《愛是神奇》，面對演技實力『非凡』的男主角/法國妹/金髮妹，神父條線又唔夠直接介入他們的關係，無得靠神父幫幫手，所以大量影住男主角背脊/muscle......大量剪接，每個shot幾秒就下一個shot，鬧交就左搖右搖，總之儘量唔好清楚拍到角色們的表情......所以導演辛苦曬 [只係唔明點解0甘casting，男主角都仲明，未有Argo前，他真係需要機會，唔翻身都要維生，但2個女.......大把美國女演員好過個2個.......] Horace Chan 意見: 不怕醜，自推一下拙文吧︰「為甚麼地球上有那麼多苦難？為何人世間的愛總是難以長久？無論是否相信『上帝』或『蒼天』，人類總是會不停反躬自省、仰首天問，渴望能找到生命的意義。泰倫斯馬力沒有答案，也不打算提供簡單直接的回應，他反過來思考的是『上帝聽到的到底是甚麼』？面對眾生之『問』，重要的不是『答』，而是『聽』——泰倫斯馬力嘗試將觀眾帶到上帝的角度，當過去、現在、未來的界限不復存在，因果的關係也變得不再絕對，宇宙之大與塵沙之小同時具現在眼前，心凝形釋，與萬化冥合，每個人才會覺察自己與萬事萬物之連繫，才會意識到緣會盡、情會變，唯有愛不滅。是不再有你我之分的愛，如果不懂得珍惜天地萬物，關懷身邊所有的人，沐浴在大愛之中，個人的愛也就難以生根結果。因此，正如戲中的神父所說︰ “You Shall Love” 。」
Posted on: Sat, 29 Jun 2013 15:24:52 +0000
Trending Topics
Recently Viewed Topics
© 2015