Spaghetti Driving... ده اللي ب اشوفُه في الشارع طول ما انا سايقة... و متاءكِدة أني مُش لوَحدي اللي ب اشوفُه... و ساعات كثير؛ بيني و بين نفسي؛ ب ألوم على الناس اللي ب يسوقوا ب الطريقة اللي ب اوصفها ب الشكل ده... و اقعد اقول: غريبة جداً طريقة السواقة دي... هو الناس دي ب تعمِل كِده ليه؟؟؟ ده داخِل على exit أو roundabout.. فين ال priority اللي ب يديها ل صاحِب الطريق الفِعلى؟؟؟ و في الحالة دي؛ ليه لما الطريق ب يكون مشغول still ب يكَمِل و يمشي مع ان ده مُمكِن يتسَبب في 100 كارثة و كارثة؟؟؟ ليه ماشي في الشارع و مالوش اي lane مُحَدَد؛ و عمال يترَنَح من واحِد ل التاني و كاءن الخطوط البيضا اللي في الشارع دي ل ال decoration أو يمكن علشان الحَسَد و اللا حاجة؟؟؟ ليه؛ في كثير من الأحيان هنا في التجَمُع الخامس و ب الذات في الشوارع الداخلية؛ لما الإشارة ب تكون لونها احمَر يُصِر الكثير من قادة السيارات على تَخَطيها... و إذا وِقفت انا أو غيري يهرونا كلاكسات و كاءننا عَمَلنا ذَنب فَظيع جداً لا يُغتَفَر؟؟؟ ليه ب ألاقي الكثير و الكثير من السيارات ماشية في عَكس اتجاه السير و كاءنُه عااااااادي خااااااالص و حَق مَكفول لُهُم علشان يوَفَروا كام centimètre ح يمشوها و اللا حاجة؟؟؟ (و يا سلاااااااام على الهَنا اللي ب يبقى حاصِل ب الليل و انوارهُم ب تمنَع العيون من أنها تشوف في إيه قُدام في الطريق)... يا ترى الناس دي و هي سايقة ايه اللي ب يدُور في ذهنُهُم؟؟؟ يا ترى ب يقولوا حاجات زي: إيه يَعني إشارة و كلام فارِغ زي ده؟؟؟ هي الناس دي عَندها فلوس مُش عارفين يصرفوها في ايه علشان كِده ب يعمِلوا اشارات و حاجات زي دي؟؟؟ و إيه priorities دي كمان؟؟؟ و هو يعَدي قَبلي ليه ان شاء الله؟؟؟ هو كان احسَن مِني ف إيه يَعني ب الضَبط؟؟؟ في مَرَة كانت معَدية جَنبي عَرَبية نصف نقل؛ و صاحبها ب يسمَع و يغَني اُغنية كُنت قادرَة اسمَع بَعض كلمات منها... كانت غالباً ب تقول ع الزراعية انا عايز اقابِل حَبيبي... و إيه: أخينا كان مُتاءلِقاً في القيادَة تاءلُق غير عادي (و كان ب يغَني كمان)!!! الزراعية دي هي يَعني طريق السَفَر الزراعي... صَح؟؟؟ طيب يا أخي اعتِبِر نَفسَك إِنَّكَ ماشي على طَريق السَفَر و رايح تقابِل حَبيبتَك... وَقتَها ح ت عُك العَك ده كُلُه؟؟؟ و االا ده من اَثر ال excitement انه رايح يقابل حَبيبُه ف يعمِل اللي يخَليه يوصَل لُه و هو مِتنَكِد؛ ده اذا وَصَل لُه من الاساس؟؟؟ و الله كان نفسي اقول لُه كِده يومها... و بَعدين ساءَلت نَفسي سوءال: عُمرِك شوفتي حَد عِرف يكتِب من غير ما اتعَلِم الكتابة؟؟؟ طُريقة السواقة السَليمة انا اقدَر ازعُم اني عارفَاها لأني اتعَلمتها by the book في دُبي... هناك؛ ما ب يعتَرفوش ب رُخصة القيادة المصرية... و؛ ب صراحة؛ معاهُم كُل الحَق... كُل ال sessions كانِت ب جَد؛ و ب الفِعل في الشارِع و في ازحَم الاماكِن كمان... كُل ال rules اللي كُنت ب اتكَلِم عَليها قَبل كِده كُنت ب اطَبَقها في ال training... مثلاً؛ على ما انا فاكرة؛ كان في خَمَس خطوات الواحِد المَفروض يعملها قَبل ما يتحَرَك من lane ل lane... مُتَخَيلين؟! خَمَس خَطوات!!! (انا؛ دلوَقتي؛ ب اطَبَق منهُم ثلاثة فَقط... و هُما كفاية جداً في الحَقيقة...) أما عن الاختبار؛ ف هو اختبار ب جَد و ب حَق و ب حَقيقي... ما لوش اي علاقة ب ارجَع وَرا أو اطلَع قُدام أو اركِن يمين و الحاجات اللي عُمرَها ما ت دُل على ان المُمتَحَن already capable انُه يسوق في الشارع ب أمان ل غيرُه و ل نَفسُه (ده لو ما كانش اصلاً يعرَف الأستاذ المُهِم فُلان العِلاني و اللي ح يعمِل لُه خِدمة كبيرة جداً جداً جداً؛ و يجيب لُه الرُخصة على البيت مُباشَرةً بدون حتى أداء اي امتحان حتى و لو كان كِده و كِده...) في دُبي؛ اختبار القيادة كان في قَلب الشارِع... و على فِكرة بَقى؛ في مكان من ازحَم و اصعَب الأماكن هناك (ل الاَسَف نسيت اسمُه دلوَقتي... لكِنُه roundabout زحمة جداً جداً جداً...) ب تطلَع العَرَبية فيها اربَع مُمتَحَانات و المُمتَحِنة (و هي ذات رُتبَة في إدارة المرور هناك ب الطَبع)... و كُل مُمتَحَنة تاءخُذ دورها في القيادة at a time... و ان لَم تَفعَل ما يَجب عليها فِعلُه تَعود ل مَركَز التَدريب مَرة أخرى... و تفضَل في ال loop دي حتى تجتاز الاختبار ب نجاح... يا ترى بقى في مَصر؛ المُشكِلة في طُرق تَعليم و اختبارات القيادة بَس (زَي ما ساعات ب احاوِل اضحَك على نَفسي و اقول)؛ و اللا كمان في اللي ب يسوق و اللي مُش فارِق معاه سلامتُه الشَخصية و لا سلامِة الآخرين؟؟؟ السواق اللي النظام الوَحيد اللي ب يَتَبِعُه هو نظام الهَمَجية؟؟؟ يا ترى إصلاح المَوضوع ده صَعب قوي؟؟؟ يا ترى هو حاجة زي ال Rocket Science كِده؟؟؟ يا ترى في اَمَل؟؟؟ لاااااااااازِم يكون في اَمَل... نِسيت اقول لكم حاجة مُهِمة جداً أكيد انتو لِسَه ما اخَدتوش بالكُم منها: I DO love Dubai :)))
Posted on: Mon, 02 Dec 2013 08:17:37 +0000
Trending Topics
Recently Viewed Topics
© 2015